ឯកឧត្ដម ហ៊ុន ម៉ាណែត និងលោកជំទាវ ឧបត្ថម្ភការចំណាយទាំងស្រុង ក្នុងការព្យាបាលលោកយាយ គឹម ថន ដែលមានជំងឺខ្សោយបេះដូងធ្ងន់ធ្ងរ
ភ្នំពេញ៖ លោកយាយ គឹម ថន អាយុ ៧៦ ឆ្នាំ មានទីលំនៅនៅភូមិ បឹងគ្រំ ឃុំបឹងគ្រំ ស្រុកល្វាឯម ខេត្តកណ្តាល មានជំងឺខ្សោយបេះដូងធ្ងន់ធ្ងរ ដែលធ្វើអោយគាត់ ហត់ខ្លាំង ពិបាកដកដង្ហើម ។
ដោយកង្វះលទ្ធភាពព្យាបាលបានត្រឹមត្រូវ បណ្តាលអោយសភាពជំងឺរបស់លោកយាយកាន់តែវិត្តន៍ទៅមុខ ត្រូវបានក្រុមគ្រូពេទ្យ TYDA បញ្ជូនមក
ព្យាបាលពីក្រុមគ្រូពេទ្យឯកទេសជំងឺបេះដូង និងសរសៃឈាម នៃមន្ទីរពេទ្យមិត្តភាពកម្ពុជាចិន ព្រះកុសុមៈ ។
ក្រោយពីការពិនិត្យតាមដាននិង ព្យាបាល យ៉ាងយកចិត្តទុកដាក់ពីក្រុមគ្រូពេទ្យ សុខភាពរបស់គាត់កាន់តែល្អប្រសើរឡើង និងបានចេញទៅផ្ទះហើយ ដោយថ្លៃព្យាបាល ស្នាក់នៅ ហូបចុក ត្រូវបានឯកឧត្តមបណ្ឌិត ហ៊ុន ម៉ាណែត ប្រធានក្រុមប្រឹក្សាភិបាលសមាគម (TYDA) និងលោកជំទាវបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាលសមាគម (TYDA) ទទួលបន្ទុកក្នុងការចំណាយទាំងស្រុង ៕
