ឯកឧត្តម ឡាំ ជា ផ្ញេីសាររំលែកទុក្ខជូន លោកជំទាវ ទិត្យ មាលា ចំពោះមរណភាព ឯកឧត្តម ញាណ ឡេង ត្រូវជាស្វាមី
ភ្នំពេញ៖ ឯកឧត្តម ឡាំ ជា រដ្ឋលេខាធិការក្រសួងមហាផ្ទៃ និងជាប្រធានគណៈកម្មការអន្តរក្រសួងដេីម្បីសិក្សា និងដោះស្រាយបញ្ហាបាក់ច្រាំងទន្លេបាសាក់-ទន្លេហ៊ូវ និងព្រែកជ្រៃធំ-ព្រែកប៊ិញយី នៅតាមបណ្តោយព្រំដែនកម្ពុជា-វៀតណាម ផ្ញេីសាររំលែកទុក្ខ លោកជំទាវ ទិត្យ មាលា ចំពោះមរណភាព ឯកឧត្តម ញាណ ឡេង ត្រូវជាស្វាមីរបស់លោកជំទាវ។
ឯកឧត្តម ញាណ ឡេង រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាសមាជិកគណៈកម្មការអន្តរក្រសួងដេីម្បីសិក្សា និងដោះស្រាយបញ្ហាបាក់ច្រាំងទន្លេបាសាក់-ទន្លេហ៊ូវ និងព្រែកជ្រៃធំ-ព្រែកប៊ិញយី នៅតាមបណ្តោយព្រំដែនកម្ពុជា-វៀតណាម ត្រូវជាស្វាមីរបស់លោកជំទាវ ទិត្យ មាលាបានទទួល មរណភាពកាលពីថ្ងៃអាទិត្យ ២រោច ខែបុស្ស ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី៨ ខែមករា ឆ្នាំ២០២៣ វេលា ម៉ោង ១៩:៣៣នាទី ក្នុងជន្មាយុ៧២ឆ្នាំ ដោយរោគាពាធ។
មរណភាពរបស់ ឯកឧត្តម ញាណ ឡេង គឺជាការបាត់បង់គួរឱ្យសោកស្តាយបំផុតនូវឧត្ដមស្វាមី ឪពុក ជីតា ជីតាទួតជាទីគោរពស្រលាញ់ពោរពេញទៅដោយព្រហ្មវិហារធម៌ដ៏ល្អប្រពៃ និងជាការបាត់បង់នូវឥស្សរជនមួយរូប ដែលបានបូជាកម្លាំងកាយចិត្ត ប្រាជ្ញាស្មារតី ក្នុងការចូលរួមចំណែកយ៉ាងសំខាន់ធ្វើឲ្យវិស័យសេដ្ឋកិច្ច និងហិរញ្ញវត្ថុមានការរីកចំរើនដូចសព្វថ្ងៃនេះ ។
ឯកឧត្តម រដ្ឋលេខាធិការ ក៏បានបួងសួងដល់ដួងវិញ្ញាណក្ខន្ធ ឯកឧត្តម ញាណ ឡេង បានទៅកាន់សុគតិភពកុំបីឃ្លៀងឃ្លាតឡើយ៕
