ក្រុមសមាជិកព្រឹទ្ធសភាប្រចាំភូមិភាគទី១ ជួបពិភាក្សាការងារជាមួយអាជ្ញាធរខណ្ឌព្រែកព្នៅ
ភ្នំពេញ៖ ក្រុមសមាជិកព្រឹទ្ធសភាប្រចាំភូមិភាគទី១ ដឹកនាំដោយឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានក្រុមភូមិភាគទី១ នាព្រឹកថ្ងៃទី១៣ ខែមករា ឆ្នាំ២០២៣ បានជួបពិភាក្សាការងារជាមួយក្រុមប្រឹក្សាសង្កាត់ទាំង៥ នៃខណ្ឌព្រែកព្នៅ ស្តីពីការអភិវឌ្ឍមូលដ្ឋានសង្កាត់ ខណ្ឌ ការងារភូមិ សង្កាត់មានសុវត្ថិភាព និងការផ្តល់សេវាសាធារណៈ ដេីម្បីឆ្ពោះទៅការរៀបចំវេទិកាភូមិភាគទី១នាពេលខាងមុខ នៅសាលាខណ្ឌព្រែកព្នៅ រាជធានីភ្នំពេញ។
កិច្ចពិភាក្សានេះ មានការអញ្ជើញចូលរួមពីលោក ម៉ៅ បូរ៉ា ប្រធានក្រុមប្រឹក្សាខណ្ឌ និងលោក ធិន សំអាន អភិបាល នៃគណៈអភិបាលខណ្ឌព្រែកព្នៅ សមាជិកាក្រុមប្រឹក្សាខណ្ឌ សមាជិក សមាជិកាក្រុមប្រឹក្សាសង្កាត់ទាំង៥ អធិការនគរបាលខណ្ឌ ស្មៀនសង្កាត់ទាំង៥ នាយប៉ុស្តិ៍នគរបាលសង្កាត់ទាំង៥ តំណាងយុវជន-នារីខណ្ឌសរុបចំនួន៨៧នាក់។
ដោយផ្តោតសំខាន់លេីការលំបាកបញ្ហាសេសសល់ និងសំណូមពរអំពី៖
១. ការងារអភិវឌ្ឍន៍មូលដ្ឋានសង្កាត់
២. គោលនយោបាយភូមិ ឃុំ សង្កាត់ សុវត្ថិភាពសាធារណៈ
៣. ការផ្តល់សេវាសាធារណៈជូនប្រជាជន និងការងារជំរុញយុវជន-នារី នៅថ្នាក់ខណ្ឌការគ្រប់គ្រងសេដ្ឋកិច្ចសេវាក្រៅប្រព័ន្ធ ៕
