ឯកឧត្តម ហេង រតនា ចុះពិនិត្យទីតាំង នៅវិទ្យាស្ថានបច្ចេកទេសសកម្មភាពកំចាត់មីនខេត្តកំពង់ឆ្នាំង សម្រាប់ត្រៀមហ្វឹកហ្វឺនមន្រ្តីជំនាញអ៊ុយក្រែន

ភ្នំពេញ៖ នាថ្ងៃទី១៣ ខែមករា ឆ្នំា២០២៣ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកCMAC រួមជាមួយថ្នាក់ដឹកនាំអង្គភាបានចុះពិនិត្យមើលទីតាំង នៅវិទ្យាស្ថានបច្ចេកទេសសកម្មភាពកំចាត់មីនខេត្តកំពង់ឆ្នាំង សម្រាប់ត្រៀមហ្វឹកហ្វឺនដល់មន្រ្តីជំនាញបោសសម្អាតមីនរបស់ប្រទេសអ៊ុយក្រែន។

ការត្រួតពិនិត្យដោយការយកចិត្តទុកដាក់ខ្ពស់ក្នុងនាមជាស្ថាប័នបោសសម្អាតមីនជាតិ ដើម្បីធានាឱ្យប្រាកដថាអ្វីគ្រប់យ៉ាងដែលមានក្នុងផែនការ នឹងត្រូវបានដំណើការ និងអនុវត្តពិតប្រាកដប្រកបដោយមសមត្ថភាព និងឆន្ទៈស្មារតី ប្រតិបត្តិផែនការប្រកបដោយប្រសិទ្ធភាពនិងជោគជ័យតាមផែនការ។

មន្រ្តីជំនាញរបស់អង្គភាពCMACបានត្រៀមខ្លួនរួចជាស្រេចប្រកបដោយវិជ្ជាជីវៈដើម្បីអនុវត្តគោលការណ៍រាជរដ្ឋាភិបាលកម្ពុជាក្រោមការដឹកនាំប្រកបដោយគតិបណ្ឌិតរបស់សម្តេចតេជោ ក្នុងការផ្តល់ការហ្វឹកហ្វឺនជូនមន្ត្រីជំនាញអ៊ុយក្រែននេះ ដើម្បីរួមចំណែកជួយប្រជាជនអ៊ុយក្រែនរំដោះខ្លួនពីការស្លាប់ ការរងរបួស និងការគំរាមកំហែងដោយសារគ្រាប់មីននិងសំណល់យុទ្ធភណ្ឌសង្គ្រាម ៕