អាជ្ញាធរចុះរុះរើសំណង់រឹងមាំខុសច្បាប់ នៅលើផ្ទៃដីទំហំ ៥៨៣ហិចតា ស្ថិតនៅភូមិភ្នំដំរីរមៀល ឃុំត្រពាំងធំខាងត្បូង ស្រុកត្រាំកក់

ភ្នំពេញ៖ រយៈពេលពេញមួយថ្ងៃទី១៥ ខែមករា ឆ្នាំ២០២៣ ឯកឧត្តម គង់ ចាន់វាសនា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងឯកឧត្តម អ៊ូច ភា អភិបាលខេត្ត និងជាប្រធានគណៈកម្មកា រទប់ស្កាត់ការរុករានទន្ទ្រានដីរដ្ឋខេត្តតាកែវ បានដឹកនាំកម្លាំងចម្រុះគណបញ្ជាការឯកភាពរដ្ឋបាលខេត្ត ចុះត្រួតពិនិត្យមើលការរុះរើ វៃកម្ទេច រោងស្នាក់នៅ សំណង់លើដីរដ្ឋ ដែលមានទំហំផ្ទៃដីចំនួន ៥៨៣ហិចតា ត្រង់ចំណុចភ្នំដំរីរមៀល ក្នុងភូមិសាស្រ្ត ឃុំត្រពាំងធំខាងត្បូង ស្រុកត្រាំកក់ ខេត្តតាកែវ។

ការចុះរុះរើនេះមានការចូលរួមពីលោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ ដោយមានការចូលរួមពី លោកព្រះរាជ្ញារង សាលាដំបូងខេត្តតាកែវ ជំនាញរដ្ឋបាលព្រៃឈើ ក្រសួង និងជំនាញរដ្ឋបាលព្រៃឈើតាកែវ លោក ស្នងការនគរបាលខេត្ត លោក ប្រធានមន្ទីរកសិកម្មខេត្ត លោក ប្រធានរដ្ឋបាលព្រៃឈើខេត្ត លោក អភិបាលស្រុក កំលាំងគណបញ្ជាការឯកភាពស្រុក លោក មេឃុំនិងប្រធានសហគមន៍ឃុំត្រពាំងធំខាងត្បូង មន្រ្តីជំនាញពាក់ព័ន្ធមួយចំនួន៕