ឯកឧត្តម ឡូយ សុផាត អញ្ជើញចុះសួរសុខទុក្ខ ឯកឧត្តម ខូយ សុខា ដែលកំពុងសម្រាកព្យាបាលជម្ងឺនៅមន្ទីរពេទ្យកាល់ម៉ែត
ភ្នំពេញ៖ ឯកឧត្តម ឡូយ សុផាត ប្រធានគណៈកម្មការទី៣ នៃរដ្ឋសភា និងសមាជិកគណៈកម្មការ ព្រមទាំងមន្រ្តីជំនួយការ នារសៀលថ្ងៃទី១៥ ខែមករា ឆ្នាំ២០២៣ បានអញ្ជើញចុះសួរសុខទុក្ខ ឯកឧត្តម ខូយ សុខា តំណាងរាស្រ្តមណ្ឌលខេត្តពោធិ៍សាត់ និងជាសមាជិកគណៈកម្មការទី៣ នៃរដ្ឋសភា ដែលកំពុងសម្រាកព្យាបាលជម្ងឺនៅមន្ទីរពេទ្យកាល់ម៉ែត។
ឯកឧត្តម ឡូយ សុផាត និងសមាជិក បានបួងសួងដល់គុណបុណ្យព្រះរតនត្រ័យ វត្ថុស័ក្ដិសិទ្ធិក្នុងលោក តាមថែរក្សា ឯកឧត្តម ខូយ សុខា ឆាប់បានជាសះស្បើយពីជំងឺដង្កាត់នានា មានសុខភាពល្អ កម្លាំងមាំមួន និងជន្មាយុយឺនយូរ បានចូលរួមចំណែកបម្រើប្រទេសជាតិបន្តទៀត។
នាឱកាសនោះដែរ ឯកឧត្តម ឡូយ សុផាត និងសមាជិក បានឧបត្ថម្ភដល់ ឯកឧត្តម ខូយ សុខា នូវ ផ្លែឈើ១កន្រ្តក និងថវិកា ៤លានរៀលផងដែរ ៕
