ព្រះមហាក្សត្រកម្ពុជា អញ្ជើញប្រធានាធិបតីម៉ាល់ឌីវ មកទស្សនកិច្ចផ្លូវរដ្ឋនៅកម្ពុជា ក្នុងពេលបើកព្រឹត្តិការណ៍ស៊ីហ្គេម នៅខែឧសភា
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា បានអញ្ជើញ អ៉ីប្រាហ៉ីម ម៉ូហាមេដ សូលី (Ibrahim Mohamed Solih) ប្រធានាធិបតីម៉ាល់ឌីវ មកបំពេញទស្សនកិច្ចផ្លូវរដ្ឋនៅកម្ពុជា ក្នុងអំឡុងពេលកម្ពុជា បើកព្រឹត្តិការណ៍ស៉ីហ្គេម នៅក្នុងខែឧសភា ឆ្នាំ២០២៣ ។
ថ្លែងនៅចំពោះមុខប្រធានាធិបតីម៉ាល់ឌីវដោយផ្ទាល់ នៅរសៀលថ្ងៃ១៦ ខែមករា ឆ្នាំ២០២៣ ពេលមេដឹកនាំទាំងពីរ ធ្វើ
ក្នុងសន្និសីទសារព័ត៌មានរួមគ្នា ជាមួយប្រធានាធិបតីម៉ាល់ឌីវ នាថ្ងៃ១៦ ខែមករា សម្តេចតេជោ ហ៊ុន សែន បានបញ្ជាក់យ៉ាងដូច្នេះថា «ខ្ញុំក៏សូមយកឱកាសនេះ ថ្លែងជាថ្មីអំពីការសួរសុខទុក្ខរបស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា អមដោយការអញ្ជើញរបស់ឯកឧត្តមប្រធានាធិបតី សម្រាប់ដំណើរទស្សនកិច្ច នៅព្រះរាជាណាចក្រកម្ពុជា ហើយប្រសិនអាចធ្វើទៅបាន គឺអញ្ជើញទស្សនកិច្ចនៅក្នុងពេលកម្ពុជា បើកព្រឹត្តិការណ៍ស៊ីហ្គេម នៅក្នុងខែឧសភា ឆ្នាំ២០២៣» ។
