ប្រមុខរាជរដ្ឋាភិបាលកម្ពុជា សង្ឃឹមថា បណ្ដាប្រទេសសមាជិកអាស៊ាន នឹងទទួលយកម៉ាល់ឌីវ ជាដៃគូថ្មី
ភ្នំពេញ៖ ក្នុងសន្និសីទសារព័ត៌មានរួមគ្នាជាមួយ ប្រធានាធិបតីម៉ាល់ឌីវ នាថ្ងៃទី១៦ មករានេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងដោយសង្ឃឹមថា ប្រទេសជាសមាជិកអាស៊ាន នឹងទទួលយកប្រទេសម៉ាល់ឌីវ ធ្វើជាភាគីនៃសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ ក៏ដូចជាអ្នកសង្កេតការណ៍នៅអាស៊ីអាគ្នេយ៍ ។
សម្តេចតេជោ ហ៊ុន សែន បញ្ជាក់ដូច្នេះថា «សង្ឃឹមថា បណ្តាប្រទេសអាស៊ានដទៃទៀត នឹងទទួលយកនូវដៃគូ (ម៉ាល់ឌូវ) ដែលគ្មានហេតុផលណាដែលត្រូវជំទាស់នោះទេ យើងទាញបណ្តាប្រទេសឆ្ងាយៗ នៅទ្វីបដទៃមកចូលរួមជាដៃគូរបស់យើង ហើយយើងក៏នៅជិតខាងគ្នានៅតំបន់នេះ» ។