លោកជំទាវ មាន សំអាន អញ្ជើញជាអធិបតីក្នុងពិធីបិទកិច្ចពិគ្រោះយោបល់ថ្នាក់ជាតិ ស្តីពីក្របខណ្ឌគណនេយ្យភាព ជាពហុវិស័យសម្រាប់ឆ្លេីយតបនឹងជំងឺរបេង

ភ្នំពេញ៖ លោកជំទាវ មាន សំអាន ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទាការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា(គណៈកម្មការទី៨) នារសៀលថ្ងៃទី១៨ ខែមករា ឆ្នាំ២០២៣ បានអញ្ជើញជាអធិបតីភាពក្នុងពិធីបិទកិច្ចពិគ្រោះយោបល់ថ្នាក់ជាតិ ស្តីពីក្របខណ្ឌគណនេយ្យភាព ជាពហុវិស័យសម្រាប់ឆ្លើយតបនឹងជំងឺរបេង ក្នុងចំណោមអន្តរក្រសួង ទីភ្នាក់ងារអង្គការសហប្រជាជាតិ ដៃគូរអភិវឌ្ឍន៍ វិស័យឯកជន សង្គមស៊ីវិល និងសហគមន៍ នៅសណ្ឋាគារភ្នំពេញ រាជធានីភ្នំពេញ។

សូមបញ្ជាក់ថា កិច្ចពិគ្រោះយោបល់ថ្នាក់ជាតិនេះ ប្រព្រឹត្តទៅចំនួនពីរថ្ងៃ គឺថ្ងៃទី១៧ និងថ្ងៃទី១៨ ខែមករា ឆ្នាំ២០២៣ ក្នុងគោលបំណងដេីម្បីកំណត់នូវផែនទីចង្អុលផ្លូវនៃក្របខណ្ឌគណនេយ្យភាពជាពហុវិស័យ សម្រាប់ឆ្លើយតបនឹងជំងឺរបេង បង្កើនការយល់ដឹងអំពីការរាតត្បាតនៃជំងឺរបេង ក្នុងចំណោមភាគីពាក់ព័ន្ធ អំពីគោលដៅអភិវឌ្ឍប្រកបដោយចីរភាព ធ្វើការអំពាវនាវឱ្យមានការយកចិត្តទុកដាក់បន្ទាន់ក្នុងការរួមចំណែកដើម្បីបញ្ចប់ការរាតត្បាតជំងឺរបេង ស្របតាមផែនការយុទ្ធសាស្ត្រជាតិសម្រាប់បញ្ចប់ការរាតត្បាតជំងឺរបេង (NSP-TB) សម្រាប់ឆ្នាំ ២០២១-២០៣០ ព្រមទាំងដើម្បីបង្ហាញអំពីការកំណត់នូវការចូលរួមគាំទ្រពីដៃគូ ឬភាគីពាក់ព័ន្ធនីមួយៗនាពេលបច្ចុប្បន្ននេះ សម្រាប់ការឆ្លើយតបជំងឺរបេង បង្កើតនូវឱកាសរួមគ្នាដើម្បីគៀងគរការគាំទ្រ និងការប្តេជ្ញាចិត្តពីភាគីពាក់ព័ន្ធនានាចំពោះការកំណត់ទិសដៅអាទិភាព ជំងឺរបេងសម្រាប់ស្ថាប័ន ផែនការនឹងសកម្មភាពអនុវត្តរបស់ខ្លួន ៕