ឯកឧត្តម ដុំ យុហៀន អញ្ជើញចូលរួមប្រារព្ធពិធីបុណ្យខួបគម្រប់ ៦ឆ្នាំ រំលឹកនឹកគុណដល់វិញ្ញាណក្ខន្ធសព ឯកឧត្តមព្រឹទ្ធាចារ្យ សាយ ភូថង និងលោកជំទាវ ខ ភូថង
ភ្នំពេញ៖ កាលពីថ្ងៃទី១៨ ខែមករា ឆ្នាំ២០២៣ ឯកឧត្តម ដុំ យុហៀន តំណាងរាស្ត្រមណ្ឌលខេត្តកោះកុង និងជាសមាជិកគណ:កម្មការទី៥ នៃរដ្ឋសភា និងលោកជំទាវ បានអញ្ជើញចូលរួមជាមួយក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ ប្រជាពលរដ្ឋក្នុងក្រុងខេមរៈភូមិន្ទ និងបងប្អូន កូនចៅ ញាតិមិត្ត បានប្រារព្ធពិធីបុណ្យខួបគម្រប់ ៦ឆ្នាំ រំលឹកនឹកគុណដល់វិញ្ញាណក្ខន្ធសព ឯកឧត្តមព្រឹទ្ធាចារ្យ សាយ ភូថង និងលោកជំទាវ ខ ភូថង ស្ថិតនៅបរិវេណចេតិយក្នុងវត្តព្រែកស្វាយ សង្កាត់ស្ទឹងវែង ក្រុងខេមរៈភូមិន្ទ ខេត្តកោះកុង។
តមក ឯកឧត្តម ដុំ យុហៀន និងលោកជំទាវ ក៏បានចុះសួរសុខទុក្ខ លោក នាម យ៉ុង អតីតចៅសង្កាត់ស្មាច់មានជ័យ ដែលមានជម្ងឺឡើងសម្ពាធឈាម កំពុងសម្រាកព្យាបាលនៅគេហដ្ឋាន ស្ថិតក្នុងភូមិស្មាច់មានជ័យ សង្កាត់ស្មាច់មានជ័យ ក្រុងខេមរៈភូមិន្ទ ខេត្តកោះកុង ៕
