ឯកឧត្តម អ៊ុំ សារឹទ្ធ ទទួលជួបពិភាក្សាការងារជាមួយនាយកទីផ្សារនៃមន្ទីរពេទ្យPhyaThai

ភ្នំពេញ៖ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា នាព្រឹកថ្ងៃទី២៦ ខែមករា ឆ្នាំ២០២៣ បានទទួលជួបពិភាក្សាការងារជាមួយនឹងលោកស្រី Sirpen Panprom នាយកទីផ្សារនៃមន្ទីរពេទ្យPhyaThai និងជាតំណាងមន្ទីរពេទ្យ មានទីតាំងស្ថិតនៅទីក្រុងបាងកក ប្រទេសថៃ។

គោលបំណងសំខាន់ក្នុងកិច្ចពិភាក្សាការងារនេះ ដើម្បីស្វែងរកនូវការប្រឹក្សាយោបល់ក្នុងការជួយជម្រុញលើកកម្ពស់ការគាំទ្រដល់ វិស័យឧស្សាហកម្មគាំពារសុខភាពប្រជាពលរដ្ឋ ជារួម មានការផ្តល់សេវាគាំពារខុសភាព ការលើកកម្ពស់សុខភាព និងសុខមាលភាពល្អ សម្រាប់ប្រជាពលរដ្ឋកម្ពុជា។

កិច្ចពិភាក្សានេះក៏បាន រួមចំណែកដល់ការយល់ដឹងបន្ថែមពាក់ព័ន្ធនឹងការចូលរួមវិភាគទានដល់ការអភិវឌ្ឍសេដ្ឋកិច្ចសង្គម តាមរយៈការផ្តល់សេវាថែទាំសុខភាពសាធារណៈ និងស្វែងរកនូវកិច្ចសហការល្អរវាងអគ្គលេខាធិការដ្ឋានព្រឹទ្ធសភា និងមន្ទីរពេទ្យPhyaThai នាថ្ងៃអនាគត ៕