ឯកឧត្តម សន្តិបណ្ឌិត ចាន់ អ៊ាន ប្រគល់រថយន្តចំនួន ៦គ្រឿង ដល់បណ្ឌិត្យសភានគរបាលកម្ពុជា ដើម្បីប្រើប្រាស់ជាមធ្យោបាយ

ភ្នំពេញ៖ ឯកឧត្តម សន្តិបណ្ឌិត ចាន់ អ៊ាន រដ្ឋលេខាធិការ តំណាងដ៏ខ្ពង់ខ្ពស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នារសៀលថ្ងៃទី២៦ ខែមករា ឆ្នាំ២០២៣នេះ បានប្រគល់រថយន្ត Pick Up ចំនួន ៦គ្រឿង ដល់បណ្ឌិត្យសភានគរបាលកម្ពុជា ដើម្បីប្រើប្រាស់ជាមធ្យោបាយ នៅសាលានគរបាលជាតិភូមិភាគទាំង៦ ។

ដោយរថយន្តទាំង ៦គ្រឿង ជាអំណោយដ៏ថ្លៃថ្លារបស់សម្ដេចក្រឡាហោម ដែលបានផ្ដល់ជូនដល់បណ្ឌិត្យសភា តាមតម្រូវការចាំបាច់ក្នុងការងារបណ្ដុះបណ្ដាលកងកម្លាំងនគរបាលជាតិឲ្យមានគុណភាព និងសមត្ថភាពវិជ្ជាជីវៈសមស្រប ដើម្បីបម្រើការងារក្នុងវិស័យសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម ៕