រដ្ឋមន្រ្តីព័ត៌មាន ក្រើនរំលឹកដល់អ្នកសារព័ត៌មាន កុំភ្លេចក្រមសីលធម៌ គឺជាអាវក្រោះសម្រាប់ការពាររដ្ឋមន្រ្តីព័ត៌មាន ក្រើនរំលឹកដល់អ្នកសារព័ត៌មាន កុំភ្លេចក្រមសីលធម៌ គឺជាអាវក្រោះសម្រាប់ការពារ

ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានក្រើនរំលឹកដល់អ្នកសារព័ត៌មាន ជាពិសេសអ្នកសារព័ត៌មានជំនាន់ក្រោយៗ ត្រូវចាំថា ក្រមសីលធម៌ គឺជាអាវក្រោះសម្រាប់ការពារ។

ថ្លែងក្នុងពិធីបោះឆ្នោតជ្រើសរើសគណៈកម្មាធិការនាយកក្លឹប អ្នកកាសែតកម្ពុជា (ក.អ.ក) អាណត្តិទី៧ នៅរសៀលថ្ងៃអង្គារ ទី២៧ ខែមករា ឆ្នាំ២០២៣ នៅភោជនីយដ្ឋានមួយ នាខណ្ឌជ្រោយចង្វា រាជធានីភ្នំពេញ ឯកឧត្តមរដ្ឋមន្ត្រីបានប្រសាសន៍ថា អ្នកសារព័ត៌មាន ត្រូវចងចាំ និងបញ្ជៀសកុំឱ្យខុសនូវក្រមសីលធម៌ ព្រោះបើអ្នកកាសែតម្នាក់ខុសក្រមសីលធម៌ វាមិនមែនប៉ះពាល់តែយើងម្នាក់នោះទេ វាអាចប៉ះពាល់កិត្តិយស សេចក្ដីថ្លៃថ្នូ អ្នកកាសែតដទៃ ។

ឯកឧត្ដមបន្តថា បន្ទាប់ពីទទួលបាននូវអនុសាសន៍បន្ថែម ពីសម្ដេចតេជោ ហ៊ុន សែន នាយករដ្ឋមន្រ្តីថ្មីៗនេះ ខាងក្រសួង និងអ្នកពាក់ព័ន្ធកំពុងរៀបចំវគ្គបណ្ដុះបណ្ដាលមួយ ដែលមិនមែនត្រឹមតែពង្រឹងពន្យល់ ពីក្រមសីលធម៌តែមួយមយខនោះទេ គឺយើងក៏ត្រូវយល់ដឹងបន្ថែមអំពីច្បាប់មួយចំនួនផង ដើម្បីបញ្ជៀសការបំពានលើមុខងារណាមួយ ។ អ្នកមកបង្ហាត់បង្ហាញយើង ជាមន្រ្តីមកពីក្រសួងមហាផ្ទៃ និងមន្រ្តីមកពីក្រសួងយុត្តិធម៌ ហើយអ្នកកាសែតអាចសាកសួរ រាល់ចម្ងល់ដែលខ្លួនមាន ទៅកាន់វាលក្មិន ដើម្បីយើងអនុវត្តការងារ មិនងាយខុសឆ្គង ។

ជាមួយគ្នា ឯកឧត្ដមក៏ថ្លែងកោតសរសើរ ដល់បណ្ដាក្លឹប សមាគមន៍នានា ដែលកន្លងមកបានធ្វើកិច្ចការបណ្ដុះបណ្ដាល ដល់អ្នកសារព័ត៌មានបានជាបន្តបន្ទាប់ ជាពិសេសក្លឹបអ្នកកាសែតកម្ពុជា គឺសមាគមន៍ដែលសកម្មនិងល្អជាងគេ ដែលបានធ្វើកិច្ចការជាច្រើន បម្រើប្រយោជន៍ជូនវិស័យព័ត៌មាន ក្នុងចំណោមសមាគមន៍សារព័ត៌មានផ្សេងៗទៀត ។ ហើយកន្លងក្រសួងព័ត៌មាន តែងតែជ្រើសរើសយក ក្លឹបអ្នកកាសែតកម្ពុជា(ក.អ.ក)ធ្វើជាដៃគូរ និងជាតំណាង របស់ក្រសួងព័ត៌មាន នូវពេលដែលត្រូវ ចូលរួមសិក្ខាសាលានានា នៅឯក្រៅប្រទេសផងដែរ៕