ឧត្តមសេនីយ៍ទោ តន់ ញាន បន្តចាត់តាំងកម្លាំងចេញយាមប៉ុស្ដិ៍សង្កេតការណ៍ និងល្បាតត្រួតពិនិត្យ បង្គោលសីមា លើខ្សែបន្ទាត់ព្រំដែនកម្ពុជា-ថៃ
ភ្នំពេញ៖ ថ្ងៃទី៣១ ខែមករា ឆ្នាំ២០២៣ លោកឧត្តមសេនីយ៍ទោ តន់ ញាន មេបញ្ជាការ តំបន់ប្រតិបត្តិការសឹករងឧត្តរមានជ័យ គ្រប់បណ្តាកងឯកភាពចំណុះទាំងអស់ បន្តចាត់តាំងកម្លាំងសហការជាមួយអង្គភាពមិត្តចេញប្រតិបត្តិការ និងម្ចាស់ការយាមល្បាត ត្រួតពិនិត្យបង្គោលសីមា និងបណ្ដាចំណុចគោលដៅផ្សេងៗមួយចំនួនក្នុងភូមិសាស្រ្ត ដើម្បីតាមដានក្តាប់ជាប់សភាពការណ៍ប្រែប្រួលតាមព្រំដែន ព្រមទាំងបទល្មើសផ្សេងៗដែលអាចកើតមាន។
ក្នុងនោះឧត្ដមសេនីយ៍ទោ មេបញ្ជាការ ក៏បានក្រើនរម្លឹកដល់មេបញ្ជាការថ្នាក់ដឹកនាំគ្រប់កងឯកភាព យកចិត្តទុកដាក់ដោយភាពទទួលខុសត្រូវ អនុវត្តភារកិច្ចបទបញ្ជារបស់ថ្នាក់លើ ក៏ដូចជាយុទ្ធសាស្ត្ររបស់រាជរដ្ឋាភិបាល ក្នុងការកសាងព្រំដែនសន្តិភាព មិត្តភាព កិច្ចសហប្រតិបត្តិការល្អ និងការអភិវឌ្ឍ ដោយប្រើប្រាស់វិធានការផ្នែកការទូត និងផ្លូវច្បាប់ ស្របតាមគោលការណ៍ណែនាំរបស់រាជរដ្ឋាភិបាល ក្នុងការដោះស្រាយបញ្ហាតាមសន្តិវិធី និងច្បាប់អន្តរជាតិ ៕
