អភិបាលខេត្តស្ទឹងត្រែង ដឹកនាំកិច្ចប្រជុំពិគ្រោះយោបល់ជាមួយអាជ្ញាធរមូលដ្ឋាន និងអ្នកពាក់ព័ន្ធអំពីការគាំទ្រគម្រោងស្រូវមិត្តភាពសង្គ្រោះសត្វព្រៃ នៅស្រុកសៀមប៉ាង

ភ្នំពេញ៖ លោក ចៅ មុន្នីរ៉ា អភិបាលរងខេត្តនៃគណៈអភិបាលខេត្តស្ទឹងត្រែង នាព្រឹកថ្ងៃទី៣១ ខែមករា ឆ្នាំ២០២២ បានដឹកនាំកិច្ចប្រជុំពិគ្រោះយោបល់ជាមួយអាជ្ញាធរមូលដ្ឋាននិងបូកសរុបការងារប្រចាំឆមាសទី២ ឆ្នាំ២០២២ របស់អនុគណៈកម្មការចំពោះកិច្ចសម្រាប់គាំទ្រការអនុវត្តគម្រោងស្រូវមិត្តភាពសង្រ្គោះសត្វព្រៃ និងកម្មវិធីល្បាតតំបន់សៀមប៉ាង។

កិច្ចប្រជុំនេះធ្វើឡើងក្នុងគោលបំណងបង្ហាញពីរបាយការណ៍នៃភាពរីកចំរើននិងសកម្មភាពរបស់គម្រោងរយៈពេល ៦ខែកន្លងមក ព្រមទាំងពិភាក្សាបញ្ហាប្រឈមនានាកំពុងជួបប្រទះក្នុងដែនជម្រកសត្វព្រៃសៀមប៉ាង និងបង្ហាញពីផែនការអនុវត្តបន្តក្រោមកិច្ចសហការរវាងអាជ្ញាធរពាក់ព័ន្ធនិងក្រុមហ៊ុនរ៉ាយស៊ីងហ្វឺនិកប្រចាំស្រុកសៀមប៉ាង ៕