ឧត្តមសេនីយ៍ត្រី ហួម ខ្វែក ទទួលស្វាគមន៍ដំណើរទស្សនកិច្ចសិក្សា ដើម្បីរឹតចំណងសម្ព័ន្ធមេត្រីភាព និងបំពេញការងារ របស់ប្រតិភូកងកម្លាំងការពារព្រំដែនច័ន្ទបូរី-ត្រាត
ភ្នំពេញ៖ ឧត្តមសេនីយ៍ត្រី ហួម ខ្វែក មេបញ្ជាការ តំបន់ប្រតិបត្តិការសឹករងបាត់ដំបង នាថ្ងៃទី១ ខែកុម្ភៈ ឆ្នាំ២០២៣ បានទទួលស្វាគមន៍ដំណើរទស្សនកិច្ចសិក្សាដើម្បីរឹតចំណងសម្ព័ន្ធមេត្រីភាព និងបំពេញការងាររបស់ប្រតិភូកងកម្លាំងការពារព្រំដែនច័ន្ទបូរី-ត្រាត ដែលដឹកនាំដោយ ឧត្តមនាវីត្រី ថើតគៀត ចីត្តកែវ មេបញ្ជាការរង កងកម្លាំងការពារព្រំដែនចន្ទបូរី-ត្រាត នៃព្រះរាជាណាចក្រថៃឡង់ដ៍ អញ្ជើញចូលរួមក្នុងពិធីនេះរួមមាន៖ លោកមេបញ្ជាការរង លោកនាយសេនាធិការរង នាយ នាយរងការិយាល័យ ផ្នែក លោកមេបញ្ជាការ កងវរសេនាតូចលេខ១ ផ្នែកសឹករង សំឡូត កំរៀង ភ្នំព្រឹក និងផ្នែកសឹករងសំពៅលូន នៅទីបញ្ជាការ តំបន់ប្រតិបត្តិការសឹករងបាត់ដំបង។
ឧត្តមសេនីយ៍ត្រី មេបញ្ជាការ តំបន់ប្រតិបត្តិការសឹករងបាត់ដំបង បានមានប្រសាសន៍ថាកងកម្លាំងការពារព្រំដែនច័ន្ទបូរី-ត្រាត ដែលបានអញ្ជើញមកកាន់ទីបញ្ជាការ តំបន់ប្រតិបត្តិការសឹករងបាត់ដំបងនាពេលនេះ គឺជាដំណើរទស្សនកិច្ចផ្លូវការមួយដើម្បីពង្រឹងសម្ព័ន្ធមេត្រីភាព កិច្ចសហប្រតិបត្តិការរវាងកងទ័ព នៃប្រទេសទាំងពីរឲ្យកាន់តែរឹងមាំថែមទៀត ហើយលោកមេបញ្ជាការ បានជូនពរដំណើរបំពេញទស្សនកិច្ចរបស់កងកម្លាំងការពារព្រំដែនច័ន្ទបុរី-ត្រាត ឲ្យទទួលបានជោគជ័យ និងប្រកបដោយសុវត្ថិភាព។
ឆ្លើយតបក្នុងពិធីនេះឧត្តមនាវីត្រី ថើតគៀត ចីត្តកែវ បានមានប្រសាសន៍ថ្លែងអំណរគុណយ៉ាងជ្រាលជ្រៅចំពោះលោកឧត្តមសេនីយ៍ត្រី ហួម ខ្វែក មេបញ្ជាការ និងថ្នាក់ដឹកនាំ តំបន់ប្រតិបត្តិការសឹករងបាត់ដំបង ដែលបានទទួលស្វាគមន៍យ៉ាងស្និទ្ធស្នាល និងដិតដល់ចំពោះគណ:ប្រតិភូកងកម្លាំងការពារព្រំដែនច័ន្ទបុរី-ត្រាត ក្នុងដំណើរទស្សនកិច្ចសិក្សាដើម្បីរឹតចំណងសម្ព័ន្ធមេត្រីភាព និងបំពេញការងាររបស់ប្រតិភូកងកម្លាំងការពារព្រំដែនច័ន្ទបូរី-ត្រាតនៅពេលនេះ៕
