ឧត្តមសេនីយ៍ឯក ឡុង ហាបាណា ទទួលស្វាគមន៍ ប្រធាននាយកដ្ឋានអន្តោប្រវេសន៍ឡាវ និងគណៈប្រតិភូ

ភ្នំពេញ៖ ឯកឧត្ដម ឧត្តមសេនីយ៍ឯក ឡុង ហាបាណា អគ្គនាយករង នៃអគ្គនាយកដ្ឋានអន្តោប្រវេសន៍ តំណាងឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ នារសៀលថ្ងៃអាទិត្យ ១៥ កើត ខែមាឃ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៥ ខែកុម្ភៈ ឆ្នាំ២០២៣នេះ បានដឹកនាំក្រុមការងារ អញ្ជើញទទួលស្វាគមន៍ ឯកឧត្ដម Saysaming SIVILAY ប្រធាននាយកដ្ឋានអន្តោប្រវេសន៍ឡាវ និងគណៈប្រតិភូ នៅអាកាសយានដ្ឋានអន្តរជាតិភ្នំពេញ។

ដំណើរទស្សនកិច្ចរបស់គណៈប្រតិភូនាយកដ្ឋានអន្តោប្រវេសន៍ឡាវ គឺត្រូវបានរៀបចំឡើងដោយយោងទៅតាមកំណត់ហេតុកិច្ចសហប្រតិបត្តិការរវាងក្រសួងមហាផ្ទៃ នៃព្រះរាជាណាចក្រកម្ពុជា និងក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យប្រជាមានិតឡាវ ប្រចាំឆ្នាំ២០២២ ដើម្បីរឹតចំណងកិច្ចសហប្រតិបត្តិការ និងការផ្លាស់ប្តូរបទពិសោធន៍លើការងារផែនអន្តោប្រវេសន៍ រវាងអង្គភាពទាំងពីរ ៕