ឯកឧត្តមរដ្ឋមន្រ្តី ស៊ុយ សែម ដឹកនាំកិច្ចប្រជុំពិនិត្យ និងផ្តល់យោបល់ចុងក្រោយលើសេចក្តីព្រាងអនុក្រឹត្យ ស្តីពី “ការគ្រប់គ្រង និងលើកកម្ពស់ប្រសិទ្ធភាពថាមពលនៃបរិក្ខារប្រើប្រាស់អគ្គិសនី”
ភ្នំពេញ៖ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល និងជាប្រធានគណៈកម្មាធិការស្ថាប័នប្រសិទ្ធភាពថាមពល នារសៀលថ្ងៃព្រហស្បត្តិ៍ ៤រោច ខែមាឃ ឆ្នាំខាល ចត្វាស័ក ព.ស.២៥៦៦
ត្រូវនឹងថ្ងៃទី០៩ ខែកុម្ភៈ ឆ្នាំ២០២៣ បានអញ្ជើញដឹកនាំកិច្ចប្រជុំពិនិត្យ និងផ្តល់យោបល់ចុងក្រោយលើសេចក្តីព្រាងអនុក្រឹត្យ ស្តីពី “ការគ្រប់គ្រង និងលើកកម្ពស់ប្រសិទ្ធភាពថាមពលនៃបរិក្ខារប្រើប្រាស់អគ្គិសនី” ដើម្បីពិនិត្យពិភាក្សា និងសុំការឯកភាពចុងក្រោយពីក្រុមការងារអន្តរក្រសួង មុននឹងបញ្ជូនសេចក្តីព្រាងនេះទៅ គណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុដើម្បីធ្វើការពិនិត្យបន្ត និងស្នើសុំការអនុម័តពីរាជរដ្ឋាភិបាល ៕
