ឧត្តមសេនីយ៍ឯក ឌី វិជ្ជា និងលោក អែនធើនី មឺកក្វាយ អញ្ជើញអបអរសាទរខួបទី២១ឆ្នាំនៃកិច្ចសហប្រតិបត្តិការរវាង នគរបាលជាតិកម្ពុជា និងនគរបាលសហព័ន្ធអូស្ត្រាលី

ភ្នំពេញ៖ នៅព្រឹកថ្ងៃទី១៣ ខែកុម្ភៈ ឆ្នាំ២០២៣ ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្តាលសន្តិសុខ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោក អែនធើនី មឺកក្វាយ (Anthony Maguire) នាយនគរបាលជាន់ខ្ពស់ នគរបាលសហព័ន្ធអូស្រ្តាលី ប្រចាំរាជធានីភ្នំពេញ បានអញ្ជើញជាអធិបតី ក្នុងពិធីអបអរសាទរ ខួបទី ២១ឆ្នាំ នៃកិច្ចសហប្រតិបត្តិការរវាង នគរបាលជាតិកម្ពុជា និងនគរបាលសហព័ន្ធអូស្ត្រាលី (ឆ្នាំ២០០២ – ឆ្នាំ២០២៣) និងការពង្រីកបន្ថែមសមាជិកថ្មី ២៥រូប នៃក្រុមស៊ើបអង្កេតបទល្មើសឆ្កងដែន (TCT) នៅមជ្ឈមណ្ឌលបណ្តុះបណ្តាល TCT នៃអគ្គស្នងការដ្ឋាននគរបាលជាតិ។

ពិធីនេះ ក៏មានការអញ្ជើញចូលរួមពី ឯកឧត្តម លោកជំទាវប្រធាននាយកដ្ឋាន ចំណុះអគ្គស្នងការដ្ឋាននគរបាលជាតិ និងមន្ត្រីពាក់ព័ន្ធជាច្រើនរូបទៀតផងដែរ៕