អភិបាលខេត្តកំពត ដឹកនាំគណៈអភិបាលខេត្ត ចូលរួមកិច្ចប្រជុំសាមញ្ញលើកទី៤៥ របស់ក្រុមប្រឹក្សាខេត្ត អាណត្តិទី៣
ភ្នំពេញ៖ ឯកឧត្តម បណ្ឌិត ម៉ៅ ធនិន អភិបាលនៃគណៈអភិបាលខេត្តកំពត នាព្រឹកថ្ងៃពុធ ១០រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៥ ខែកុម្ភៈ ឆ្នាំ២០២៣ បានដឹកនាំគណៈអភិបាលខេត្ត អញ្ជើញចូលរួមកិច្ចប្រជុំសាមញ្ញលើកទី៤៥ របស់ក្រុមប្រឹក្សាខេត្ត អាណត្តិទី៣ ក្រោមអធិបតីភាព ឯកឧត្តម ញ៉ូវ សាឯម ប្រធានក្រុមប្រឹក្សាខេត្ត ។
កិច្ចប្រជុំនាព្រឹកនេះដើម្បីពិនិត្យ និងអនុម័តលើរបៀបវារៈរួមមាន៖
១- របៀបវារៈនៃកិច្ចប្រជុំសាមញ្ញលើកទី៤៥ របស់ក្រុមប្រឹក្សាខេត្ត។
២- កំណត់ហេតុនៃកិច្ចប្រជុំសាមញ្ញលើកទី៤៤ របស់ក្រុមប្រឹក្សាខេត្ត។
៣- របាយការណ៍ប្រចាំខែមករា ឆ្នាំ២០២៣ ស្តីពីការអនុវត្តការងារ របស់រដ្ឋបាលខេត្ត។
៤- តារាងបែកចែកភារកិច្ចជូន សមាជិកក្រុមប្រឹក្សាខេត្ត ចុះមូលដ្ឋាន ជួបប្រាស្រ័យទាក់ទងជាមួយប្រជាពលរដ្ឋតាមបណ្តាក្រុង ស្រុក និងតារាងបែងចែក សមាជិកក្រុមប្រឹក្សាខេត្ត ចូលរួមដោះស្រាយបណ្តឹងក្រៅប្រពន្ធ័តុលាការ ក្រោមអធិបតីភាព ឯកឧត្តម អភិបាលខេត្ត។
ក្នុងកិច្ចប្រជុំនាព្រឹកនេះក៏មានពិធីប្រកាស ស្ដីពីការផ្លាស់ប្តូរ និងទទួលស្គាល់ សមាសភាពក្រុមប្រឹក្សាខេត្តផងដែរ ៕
