នាយឧត្តមនាវី ទៀ វិញ អញ្ជើញចូលរួមក្នុងពិធីបិទសិក្ខាសាលា ស្តីពីវឌ្ឍនភាពការងារបុគ្គលិករយៈពេល៥ឆ្នាំ (២០១៩-២០២៣) និងទិសដៅអនុវត្តបន្ត
ភ្នំពេញ៖ ឯកឧត្តម នាយឧត្តមនាវី ទៀ វិញ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងទឹក អគ្គលេខាធិការ នៃគណៈកម្មាធិការជាតិសន្តិសុខលម្ហសមុទ្រ នារសៀលថ្ងៃទី១៧ ខែកុម្ភៈ ឆ្នាំ២០២៣ បានអញ្ជើញចូលរួមក្នុងពិធីបិទសិក្ខាសាលា ស្តីពីវឌ្ឍនភាពការងារបុគ្គលិករយៈពេល៥ឆ្នាំ (២០១៩-២០២៣) និងទិសដៅអនុវត្តបន្ត (២០២៣-២០២៧) ក្រោមអធិបតីភាព ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ នៅបញ្ជាការដ្ឋានកងទ័ពជើងទឹក។
ឯកឧត្តម នាយឧត្តមសេនីយ៍ វង្ស ពិសេនបានបង្ហាញឆន្ទៈក្នុងការប្តេជ្ញាបន្តអនុវត្តផែនការកែទម្រង់កងទ័ពឱ្យកាន់តែស៊ីជម្រៅ និងប្រកបដោយចក្ខុវិស័យវែងឆ្ងាយ ដើម្បីបង្កើនថាមពលក្នុងវិស័យការពារជាតិ។ ព្រមទាំងរចនាសម្ព័ន្ធចាត់តាំង ក្របខ័ណ្ឌការងារ និងឋានន្តរសក្តិកងទ័ព ត្រូវតែនោះយកចិត្តទុកដាក់ការហ្វឹកហ្វឺន និងបណ្តុះបណ្តាលតាមមុខជំនាញ ទាំងនៅក្នុងប្រទេស និងក្រៅប្រទេស សំដៅពង្រឹងគុណភាព សមត្ថភាពក្នុងការបំពេញកាតព្វកិច្ចការងារ ៕
