ឯកឧត្តម ច័ន្ទ សុផល បាននាំយកអំណោយសម្តេចក្រឡាហោម ស ខេង និងលោកជំទាវ ចែកជូនប្រជាពលរដ្ឋខ្វះខាតចំនួន១៤៤គ្រួសារ នៅស្រុកគាស់ក្រឡ
ភ្នំពេញ៖ ឯកឧត្តម ច័ន្ទ សុផល តំណាងរាស្ត្រមណ្ឌលបាត់ដំបង និងជាអនុប្រធានគណ:កម្មការទី៤ នៃរដ្ឋសភា រួមនឹង ឯកឧត្តម ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានក្រុមក្រឡាហោមមនុស្សធម៌ នាព្រឹកថ្ងៃទី១៩ ខែកុម្ភៈ ឆ្នាំ២០២៣ បាននាំយកអំណោយសម្តេចក្រឡាហោម ស ខេង និងលោកជំទាវ ចែកជូនប្រជាពលរដ្ឋខ្វះខាតចំនួន ១៤៤គ្រួសារ មកពីឃុំទាំង ៦នៃស្រុកគាស់ក្រឡ ខេត្តបាត់ដំបង។
ក្នុងឱកាសនោះ ឯកឧត្តម ច័ន្ទ សុផល និងឯកឧត្តម ខាន់ ម៉ាណេរ បាននាំយកបណ្តាំផ្ញើការសួរសុខទុក្ខនិងការយកចិត្តទុកដាក់ខ្ពស់ពីសម្ដេចតេជោ ហ៊ុន សែន នាយករដ្ឋមន្ត្រី និងសម្ដេចក្រឡាហោម ស ខេង ឧបនាយករដ្ឋមន្ត្រី ព្រមទាំងបានថ្លែងអំណរគុណប្រជាពលរដ្ឋទាំងមូលដែលតែងតែបានគាំទ្រការដឹកនាំរបស់រាជរដ្ឋាភិបាល ពិសេសការចូលរួមគ្រប់សកម្មភាពដើម្បីថែរក្សាសុខសន្តិភាព និងការអភិវឌ្ឍសេដ្ឋកិច្ច និងសង្គម។
សូមបញ្ជាក់ថាអំណោយដែលផ្តល់ជូនប្រជាពលរដ្ឋ១៤៤គ្រួសារ ក្នុងមួយគ្រួសារទទួលបានអង្ករ ១ការ៉ុង, មី ១កេស, ត្រីខ ១យួរ, ទឹកស៊ីអ៊ីវទឹកត្រី ១យួរ, ទឹកបរិសុទ្ធ ១កេស ព្រមទាំងម៉ាស់ និងអាល់កុលផងដែរ ៕
