អ្នកលេងល្បែងស៊ីសង ៣នាក់ ត្រូវបានសមត្ថកិច្ចកោះហៅធ្វើកិច្ចសន្យាអប់រំ នៅស្រុកវាលវែង
ពោធិ៍សាត់៖ កម្លាំងអធិការដ្ឋាននគរបាលស្រុកវាលវែង នៅថ្ងៃទី២០ ខែកុម្ភៈ ឆ្នាំ២០២៣ វេលាម៉ោង១៧ និង១០នាទី បានកោះហៅអ្នកប្រព្រឹត្តល្បែងស៊ីសងចំនួន ៣នាក់ ធ្វើកិច្ចសន្យាអប់រំ និងបញ្ឈប់ការលេងល្បែងស៊ីសងខុសច្បាប់ ។
លោកវរសេនីយ៍ឯក ធាង ឡេង អធិការការដ្ឋាននគរបាលស្រុកវាលវែង បានបញ្ជាក់ឲ្យដឹងថា ដោយទទួលបានព័ត៌មានពីប្រជាពលរដ្ឋ ថាមានករណីលេងល្បែងស៊ីសងខុសច្បាប់ (បៀរ) កម្លាំងប៉ុស្តិ៍នគរបាលរដ្ឋបាលថ្មដា បានចេញប្រតិបត្តិការបង្ក្រាបភ្លាមៗ នៅចំណុចអូរកងឈ្លប ផ្ទះរបស់ម្ចាស់ឈ្មោះ សួង ឃុននី ស្ថិតក្នុងភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់។
អ្នកប្រព្រឹត្តល្បែងស៊ីសងចំនួន ៣នាក់មានឈ្មោះ ៖ ១-ឈ្មោះ សួង ឃុននី ភេទស្រី អាយុ ៤៤ឆ្នាំ ជាម្ចាស់ផ្ទះ ។២-ឈ្មោះ ម៉េង ភាព ភេទស្រី អាយុ៥៩ឆ្នាំ ជាអ្នកលេង។ ៣-ឈ្មោះ ទេវ ស្រីមុំ ភេទស្រី អាយុ៣៨ឆ្នាំ ជាអ្នកលេង អ្នកទាំង៣នាក់ រស់នៅភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់។
វត្ថុតាងដកហូតរួមមាន៖ បៀរចំនួន ៦០សន្លឹក, កម្រាលភួយ១ និងស្បែកជើង ៤គូរ។
លោកអធិការបានបន្តថា ក្រោយសមត្ថកិច្ចធ្វើការអប់រំ និងកិច្ចសន្យា បញ្ឈប់ការលេងល្បែងស៊ីសងខុសច្បាប់បន្តទៀត អ្នកញៀនល្បែងស៊ីសងទាំង៣នាក់ ត្រូវបានសមត្ថកិច្ចបញ្ជូនឲ្យទៅលំនៅដ្ឋានវិញ៕
