ឯកឧត្ដមបណ្ឌិត ជ្រុន ថេរ៉ាវ៉ាត អញ្ជើញជាអធិបតីក្នុងសិក្ខាសាលាស្តីពី ការឆ្លុះបញ្ចាំងលទ្ធផលផ្ទៀងផ្ទាត់ស្ថានភាពបញ្ចប់ការបន្ទោបង់ពាសវាលពាសកាល នៅខេត្តកំពង់ស្ពឺ
ភ្នំពេញ៖ ឯកឧត្ដមបណ្ឌិត ជ្រុន ថេរ៉ាវ៉ាត រដ្ឋលេខាធិការក្រសួងអភិវឌ្ឍន៍ជនបទ តំណាង ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ នាព្រឹកថ្ងៃពុធ ៣កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៣ ខែកុម្ភ: ឆ្នាំ២០២៣ បានអញ្ជើញជាអធិបតីក្នុងសិក្ខាសាលាស្តីពី ការឆ្លុះបញ្ចាំងលទ្ធផលផ្ទៀងផ្ទាត់ស្ថានភាពបញ្ចប់ការបន្ទោបង់ពាសវាលពាសកាល (ODF) នៅខេត្តកំពង់ស្ពឺ ។
សិក្ខាសាលាបានប្រព្រឹត្តទៅដោយទទួលបានលទ្ធផលដូចខាងក្រោម៖
១-ក្រុមការងារថ្នាក់ជាតិ បានធ្វើការវាយតម្លៃជាផ្លូវការ ខេត្តកំពង់ស្ពឺ គឺជាខេត្តបញ្ចប់ការបន្ទោបង់ពាសវាលពាសកាល (ODF) និងជាខេត្តទី ៤ បន្ទាប់ពីខេត្ត ស្វាយរៀង ព្រៃវែង និងខេត្តកណ្តាល ។
២-ក្រុមការងារថ្នាក់ជាតិ និងក្រុមការងារថ្នាក់ខេត្ត នឹងសូមគោរពអញ្ជើញ ឯកឧត្តមបណ្ឌិតសភាចារ្យរដ្ឋមន្រ្ដីផ្តល់ជាកិត្តិយសក្នុងពិធីប្រកាស និងប្រគល់ពានជ័យលាភីជាផ្លូវការ នៅក្នុងខែមីនា ខាងមុខនេះ តាមពេលវេលាសមគួរណាមួយ ដោយក្តីអនុគ្រោះ ៕
