លោកជំទាវ ឡោក ខេង ចុះជួបសំណេះសំណាលជាមួយបងប្អូនប្រជាពលរដ្ឋប្រកបអាជីវកម្មចំនួន ៧៥នាក់ ក្នុងរាជធានីភ្នំពេញ
ភ្នំពេញ៖ លោកជំទាវ ឡោក ខេង តំណាងរាស្ត្រមណ្ឌលរាជធានីភ្នំពេញ និងជាប្រធានគណៈកម្មការទី៨ នៃរដ្ឋសភា នារសៀលថ្ងៃទី២៨ ខែកុម្ភ: ឆ្នាំ២០២៣ បានអញ្ជើញចុះជួបសំណេះសំណាលជាមួយបងប្អូនប្រជាពលរដ្ឋប្រកបអាជីវកម្ម កម្មករសំណង់ អ្នករត់ម៉ូតូ អ្នកលក់ដូរបន្តិចបន្តួចចំនួន ៧៥នាក់ នៅសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។
ក្នុងឱកាសនោះ លោកជំទាវ ឡោក ខេង បានមានប្រសាសន៍ជម្រាបជូនបងប្អូនប្រជាពលរដ្ឋពីអត្ថប្រយោជន៍សម្រាប់ជីវភាពរស់នៅ ក្រោមការយកចិត្តទុកដាក់ពីសំណាក់រាជរដ្ឋាភិបាលដែលបានផ្តល់ជូនដូចជា មូលនិធិសមធម៌ ចំពោះស្ត្រីក្រីក្រ មានផ្ទៃពោះ កូនចាក់វ៉ាក់សាំង កម្មការិនីពេលឆ្លងទន្លេ ការឧបត្ថម្ភសាច់ប្រាក់អ្នករងផលប៉ះពាល់ជម្ងឺកូវីដ-១៩ ហានិភ័យអតិផរណា ទំនិញឡេីងថ្លៃ នៅតែអនុវត្តន៍បន្ត។
ជាមួយនេះ រាជរដ្ឋាភិបាលបានបន្ថែមការយកចិត្តទុកដាក់ដល់បងប្អូនប្រកបអាជីវកម្មសេដ្ឋកិច្ចក្រៅប្រព័ន្ធ និងទទួលបានប័ណ្ណរបបសន្តិសុខសង្គមដេីម្បីថែទាំសុខភាពទៀតផង។ ទន្ទឹមនឹងនេះ រាជរដ្ឋាភិបាលបានគិតគូរពីអនាគតកូនៗ ក្នុងការទទួលបានឱកាសសិក្សាជំនាញវិជ្ជាជីវ:ដោយមិនបង់ប្រាក់ មានកន្លែងស្នាក់នៅ និងមានប្រាក់ឧបត្ថម្ភ។
ឆ្លៀតក្នុងឱកាសនោះដែរ លោកជំទាវ ឡោក ខេង បានភ្ជាប់លីងប្រព័ន្ធតេលេក្រាមសម្តេចតេជោ ជូនបងប្អូនដែលមកចូលរួម និងផ្តល់ជូនក្រមា រួមទាំងថវិកាឧបត្ថម្ភរបស់សម្ដេចវិបុលសេនាភក្តី សាយ ឈុំ ប្រធានព្រឹទ្ធសភា និងឯកឧត្តម ស៊ឹម កា អនុប្រធានទី១ ព្រឹទ្ធសភា ក្នុងម្នាក់ៗតទួលបានថវិកា ១ម៉ឺនរៀល ផងដែរ ៕
