ឯកឧត្ដម សក់ សេដ្ឋា៖ រាជរដ្ឋាភិបាលកម្ពុជាដែលមានសម្ដេចតេជោ គឺរួមទុកលំបាកជាមួយប្រជាជនមិនរត់ចោលប្រជាជនដូចមនុស្សមួយចំនួនតូចនៅក្រៅប្រទេស
បាត់ដំបង៖ ឯកឧត្ដម សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ និងជាប្រធានក្រុមការងាររាជរដ្ឋាភិបាល ចុះមូលដ្ឋានស្រុកបវេល មានប្រសាសន៍ថា រាជរដ្ឋាភិបាលកម្ពុជាដែលមានសម្ដេចតេជោ គឺរួមទុកលំបាកជាមួយប្រជាជនមិនរត់ចោលប្រជាជនដូចមនុស្សមួយចំនួនតូចនៅក្រៅប្រទេស។
ឯកឧត្ដមមានប្រសាសន៍បែបនេះ នារសៀលថ្ងៃទី៣ ខែមីនា ឆ្នាំ២០២៣ ខណៈឯកឧត្ដមអញ្ជើញជាអធិបតីភាព ក្នុងពិធីបុណ្យផ្កាប្រាក់សាមគ្គី វត្តបុទុមបុប្ផារាម បឹងសំរោង ។
មានប្រសាសន៍ផ្ដាំផ្ញើក្នុងការជួបសំណេះសំណាលជាមួយលោកយាយលោកតានៅក្នុងវត្តបុទុមបុប្ផារាម ឯកឧត្ដម សក់ សេដ្ឋា មានប្រសាសន៍ថា ប្រទេសកម្ពុជាក្រោមការដឹកនាំដ៏ត្រឹមត្រូវរបស់សម្ដេចតេជោ ហ៊ុន សែន ប្រទេសជាតិមានការរីកចម្រើនលើគ្រប់វិស័យ ធ្វើឱ្យប្រជាពលរដ្ឋមានជីវភាពល្អប្រសើរ។
ឯកឧត្ដមបានបញ្ជាក់ថា រាជរដ្ឋាភិបាលដែលមានសម្ដេចតេជោ គឺរួមទុកលំបាក់ជាមួយប្រជាជនមិនរត់ចោលប្រជាជនដូចមនុស្សមួយចំនួនតូចនៅក្រៅប្រទេស ដែលនិយាយតែមាត់ តែមិនដែលបានជួយអ្វីដល់ប្រទេសជាតិឡើយ។
ជាមួយគ្នានោះ ឯកឧត្ដមបានលើកឡើងដែរទៀតថា កម្ពុជា បានទប់ស្កាត់កូវី១៩ យ៉ាងមានប្រសិទ្ធភាព ធ្វើឲ្យបងប្អូនប្រជាពលរដ្ឋអាចដើរហើមិនចាំពាក់ម៉ាស់ និងអាចប្រកបរបរចិញ្ចឹមជីវិតប្រចាំថ្ងៃបានយ៉ាងងាយស្រួលដោយមិនភ័យព្រួយឡើយ៕
