បណ្ឌិត ម៉ៅ ហាវណ្ណាល់ បំពេញទស្សនកិច្ច នៅទីម័រឡេស្តេ ៣ថ្ងៃ ដើម្បីពង្រឹងកិច្ចសហប្រតិបត្តិ វិស័យអាកាសចរស៊ីវិល

ទីម័រឡេស្តេ៖ ឯកឧត្ដមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុក រដ្ឋលេខាធិការដ្ឋានអាកាសចរស៊ីវិល បានដឹកនាំប្រតិភូអាកាសចរស៊ីវិលកម្ពុជា អញ្ជើញបំពេញទស្សនកិច្ច រយៈពេល៣ថ្ងៃ ចាប់ពីថ្ងៃទី៥-៧ ខែមីនា ឆ្នាំ២០២៣ នៅប្រទេសទីម័រឡេស្តេ (ទីម័រខាងកើត) ដើម្បីពង្រឹងកិច្ចសហប្រតបត្តិការ វិស័យអាកាសចរស៊ីវិលរវាងប្រទេសទាំងពីរ។

ក្នុងដំណើរទស្សនកិច្ចនេះ ឯកឧត្ដម ម៉ៅ ហាវណ្ណាល់ ក៏ត្រូវអញ្ជើញជួបពិភាក្សា និងចុះហត្ថលេខាលើអនុស្សារណៈយោគយល់គ្នា (MoU) ស្តីពីការហោះហើររវាងប្រទេសទាំង២ ជាមួយលោក Jose Agushinho Da Silva រដ្ឋមន្ត្រីក្រសួងដឹកជញ្ជូន និងទំនាក់ទំនង របស់ទីម័រឡេស្តេ។

ជាមួយគ្នានេះ ឯកឧត្ដម ម៉ៅ ហាវណ្ណាល់ នឹងត្រូវចូលជួបសំដែនការគួរសមជាមួយថ្នាក់ដឹកនាំប្រទេសទីម័រឡេស្តេ ដូចជា៖ លោក Jose Ramos Horta ប្រធានាធិបតីទីម័រឡេស្តេ, លោក Taur Matan Ruak នាយករដ្ឋមន្ត្រីទីម័រឡេស្តេ, លោក Xanana Gusmao អតីតប្រធានាធិបតី និងនាយករដ្ឋមន្ត្រីទីម័រឡេស្តេ និងលោក Juliao Da Sila អនុរដ្ឋមន្ត្រីក្រសួងការបរទេសទីម័រឡេស្តេផងដែរ ៕