អាវុធហត្ថខេត្តតាកែវ ចាប់ក្រុមក្មេងទំនើង ៤នាក់ ដែលធ្វើសកម្មភាពដេញវាយគ្នា និងគប់ដុំថ្មដាក់គ្នា នៅបណ្ដោយផ្លូវជាតិលេខ៣

ភ្នំពេញ៖ យោងតាមការបញ្ជាក់ព័ត៌មានបឋម ពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានថ្លែងឱ្យដឹង នៅព្រឹកថ្ងៃទី៨ ខែមីនា ឆ្នាំ២០២៣ នេះ កម្លាំង នៃបញ្ជាការដ្ឋានកងរាជអាវុធហត្ថខេត្ត បានឃាត់ខ្លួនជនសង្ស័យ យុវជន ០៤នាក់ ដែលធ្វើសកម្មភាព ដេញវាយគ្នា និងយកដុំថ្ម ដេញគប់គ្នា យ៉ាងអណាអធិបតេយ្យ នៅវេលាម៉ោង ១៣:៣១នាទី ថ្ងៃទី៧ ខែមិនា ឆ្នាំ២០២៣ ដោយមានករណី ក្មេងទំនើង ០២ក្រុម មានគ្នាប្រហែល ២០នាក់ ជិះម៉ូតូប្រហែល ១០គ្រឿង បានធ្វើសកម្មភាពវាយ និងគប់គ្នា ត្រង់ចំនុចតាមបណ្ដោយផ្លូវជាតិលេខ៣ ចន្លោះគីឡូម៉ែត្រលេខ៦៤.៦៥ ស្តិតក្នុង ភូមិកំប៉ោ ឃុំបឹងត្រាញ់ខាងត្បូង ស្រុកសំរោង ខេត្តតាកែវ។