សម្ដេចព្រះពុទ្ធជ័យមុនីបណ្ឌិត ឃឹម សន ព្រះនិមន្តសម្ពោធឆ្លងប្រាសាទចតុម្មុខសមិទ្ធផលនានា និងស្រោចសុគន្ធវារី ប្រកាសនីប័ត្រព្រះគ្រូចៅអធិការវត្តគិរីជុំដោម ស្រុកគិរីវង់
ភ្នំពេញ៖ សម្ដេចព្រះពុទ្ធជ័យមុនីបណ្ឌិត ឃឹម សន ព្រះប្រធានលេខាធិការដ្ឋានគណសង្ឃនាយក នៃព្រះរាជាណាចក្រកម្ពុជា និងជាព្រះមេគណរាជធានីភ្នំពេញ នារសៀលថ្ងៃទី៨ ខែមីនា ឆ្នាំ២០២៣ ព្រះនិមន្តសម្ពោធឆ្លងប្រាសាទចតុម្មុខសមិទ្ធផលនានា និងស្រោចសុគន្ធវារី ប្រកាសនីប័ត្រព្រះគ្រូចៅអធិការវត្តគិរីជុំដោម ឃុំតាអូរ ស្រុកគិរីវង់ ខេត្តតាកែវ។
ក្នុងពិធីបុណ្យនេះដែរក៏មានការអញ្ជើញចូលរួមដោយ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ ឯកឧត្តម មាស ម៉ូនីកា (យស់សំបូរ) អនុរដ្ឋលេខាធិការក្រសួងសាធារណៈការ និងដឹកជញ្ជូន និងលោកជំទាវ ព្រមទាំង ឯកឧត្តម លោកជំទាវ អ្នកឧកញ៉ា ឧកញ៉ា លោក ងួន ឌីណា អភិបាលស្រុកគិរីវង់ លោក លោកស្រី អភិបាលរងស្រុក មន្រ្តីរាជការចំណុះរដ្ឋបាលស្រុក ប្រជាពលរដ្ឋ សិស្សានុសិស្ស និងពុទ្ធបរិស័ទ្ធជិតឆ្ងាយ ជាច្រើនកុះករផងដែរ។
ឆ្លៀតក្នុងឱកាសនោះដែរ ឯកឧត្តម អ៊ូច ភា អភិបាលខេត្ត ក៏បានចូលរួមបច្ច័យ ក្នុងកម្មវិធីបុណ្យ សម្ពោធឆ្លងប្រាសាទចតុម្មុខសមិទ្ធផលនានា និងស្រោចសុគន្ធវារី ប្រកាសនីប័ត្រព្រះគ្រូចៅអធិការវត្តគិរីជុំដោម ចំនួន ១០.០០០.០០០រៀល ផងដែរ៕
