នាយឧត្តមសេនីយ៍ កែវ វណ្ណថន អញ្ជើញចូលរួមកិច្ចប្រជុំលើកទី១ របស់ក្រុមការងារSOMTC ស្តីពីបញ្ហាឧក្រិដ្ឋកម្មឆ្លងដែនទូទៅ នៅទីក្រុងហ្សាកាតា

ភ្នំពេញ៖ ឯកឧត្តម នាយឧត្តមសេនីយ៍ កែវ វណ្ណថន អគ្គនាយករងអន្តោប្រវេសន៍ និងជាអនុប្រធានក្រុមការងារប្រឆាំងឧក្រិដ្ឋកម្មឆ្លងដែនក្នុងក្របខណ្ឌក្រសួងមហាផ្ទៃ នាព្រឹកថ្ងៃចន្ទ ទី២០ ខែមីនា ឆ្នាំ២០២៣ បានអញ្ជើញចូលរួមកិច្ចប្រជុំលើកទី១ របស់ក្រុមការងារSOMTC ស្តីពីបញ្ហាឧក្រិដ្ឋកម្មឆ្លងដែនទូទៅ នៅទីក្រុងហ្សាកាតា ប្រទេសឥណ្ឌូនេស៊ី។

កិច្ចប្រជុំខាងលើ រៀបចំឡើងក្នុងគោលបំណងពិនិត្យលើអាទិភាពនៃបទល្មើសឧក្រិដ្ឋកម្មឆ្លងដែននាពេលបច្ចុប្បន្ន ក៏ដូចជាពិនិត្យលើឯកសារនានាសម្រាប់អនុម័តក្នុងកិច្ចប្រជុំឧត្តមមន្រ្តីស្តីពីឧក្រិដ្ឋកម្មឆ្លងដែន(SOMTC) និងកិច្ចប្រជុំរដ្ឋមន្រ្តីអាស៊ានស្តីពីឧក្រិដ្ឋកម្មឆ្លងដែន(AMMTC) ដើម្បីដាក់ចេញគោលការណ៍ និងយុទ្ធសាស្រ្តប្រយុទ្ធប្រឆាំងឧក្រិដ្ឋកម្មឆ្លងដែនគ្រប់ប្រភេទឲ្យកាន់តែមានប្រសិទ្ធភាព ៕