សមិទ្ធផលនានាក្នុងវត្ត សំរិទ្ធិជោគ ហៅវត្តព្រះអង្គខ្មៅ ស្ថិតក្នុងភូមិ៦ ឃុំកោះសំរោង ស្រុកកំពង់សៀម ខេត្តកំពង់ចាម ត្រូវបានសម្ពោធឆ្លងជាផ្លូវការ
ភ្នំពេញ៖ ឯកឧត្តមវេជ្ជបណ្ឌិត យឹម ឆៃលី ឧបនាយករដ្ឋមន្ត្រី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មាធិការជាតិជំរុញចលនាភូមិមួយផលិតផលមួយ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម នាព្រឹកថ្ងៃពុធ ១កើត ខែចេត្រ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២២ ខែមីនា ឆ្នាំ២០២៣ បានអញ្ជើញជាអធិបតីក្នុងពិធីសម្ពោធឆ្លងជាផ្លូវការសមិទ្ធផលនានាក្នុងវត្ត សំរិទ្ធិជោគ ហៅវត្តព្រះអង្គខ្មៅ ស្ថិតក្នុងភូមិ៦ ឃុំកោះសំរោង ស្រុកកំពង់សៀម ខេត្តកំពង់ចាម។ ដោយមានការនិមន្ត និងអញ្ជើញចូលរួមពីព្រះសទ្ធម្មញាណ គង់ វិច្ឆិកា ព្រះអនុគណស្រុកកំពង់សៀម ឯកឧត្តម សៀង ណាំ អ្នកតំណារាស្ត្រមណ្ឌលសៀមរាប ឯកឧត្តម វេង សាខុន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពង់សៀម រួមនឹងព្រះសង្ឃ ក្រុមប្រឹក្សាខេត្ត តំណាងអភិបាលខេត្ត អាជ្ញាធរដែនដី យាយជី តាជី ពុទ្ធបរិស័ទចំណុះជើងវត្ត និងប្រជាពលរដ្ឋជាច្រើននាក់៕
