គ្រោះធម្មជាតិ! ខ្យល់កន្ត្រាក់ បំផ្លាញផ្ទះប្រជាពលរដ្ឋជាង២០០ខ្នង នៅស្រុកចំនួន២ ក្នុងខេត្តបន្ទាយមានជ័យ
បន្ទាយមានជ័យ៖ កាលពីល្ងាចថ្ងៃទី២៣ ខែមិនា ឆ្នាំ២០២៣ ភ្លៀងលាឡំខ្យល់កន្ត្រាក់ បានបំផ្លាញផ្ទះសំបែងប្រជាពលរដ្ឋប៉ះពាល់ក្រុងស្រុកចំនួន២ស្រុក ជាង២០០ខ្នងផ្ទះ ក្នុងខេត្តបន្ទាយមានជ័យ។
បើយោងតាមរបាយការណ៍ពីស្នងការនគរបាលខេត្តបន្ទាយមានជ័បានឲ្យដឹងថា នៅស្រុកថ្មពួក មានភ្លៀងមួយមេ លាយឡំខ្យល់កន្ត្រាក់ប៉ះពាល់ផ្ទះប្រជាពលរដ្ឋ លើឃុំចំនួន៣ លើ៦ឃុំ របេកដំបូល១៩៣ខ្នង ក្នុងនោះ ឃុំភូមិថ្មី ចំនួន៩៨ខ្នង, ឃុំថ្មពួក ៥៩ខ្នង, ឃុំគំរូ ៣៦ខ្នង។ ដោយឡែកស្រុកស្វាយចេក ប៉ះពាល់ផ្ទះប្រជាពលរដ្ឋចំនួន៩ខ្នង លើ២ភូមិ សកថិតក្នុងឃុំទ្រាស៖ ភូមិពន្លៃចាស់ ឃុំទ្រាសចំនួន០៧ខ្នង, ភូមិពន្លៃថ្មី ចំនួន០២ខ្នង។
ជាមួយគ្នានោះ ស្នងការនគរបាលខេត្តបន្ទាយមានជ័យ បានជម្រុញណែនាំដល់សមត្ថកិច្ច នៅមូលដ្ឋានត្រូវចុះជួយពលរដ្ឋឱ្យបានទាន់ពរលវេលា ក្នុងករណីពលរដ្ឋរងគ្រោះផ្សេងៗ ជាក់ស្តែងករណីខ្យល់កន្ត្រាក់ ដែលតែងតែកេីតមានជាយរៀងរាល់ឆ្នាំ៕