ឧត្តមសេនីយ៍ទោ ហួត សុធី អញ្ជេីញជួបសំណេះសំណាល និងប្រគល់ថវិកាឧបត្ថម្ភគោលនយោបាយជូនដល់មន្ត្រីនគរបាលចូលនិវត្តន៍ និងក្រុមគ្រួសារមន្រ្តីនគរបាលមរណ:ចំនួន ១០នាក់
ភ្នំពេញ៖ ស្នងការដ្ឋាននគរបាលខេត្តឧត្ដរមានជ័យ នារសៀលថ្ងៃសុក្រ ៣កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនិងថ្ងៃទី២៤ ខែមីនា ឆ្នាំ២០២២៣ បានរៀបចំពិធីដល់ជូនថវិកាឧបត្ថម្ភគោលនយោបាយ ជូនដល់មន្ត្រីចូលនិវត្តន៍ និងក្រុមគ្រួសារមន្ត្រីមរណៈ សរុបចំនួន ១០នាក់ ក្រោមអធិបតីភាព លោកឧត្តមសេនីយ៍ទោ ហួត សុធី ស្នងការដ្ឋាននគរបាលខេត្តឧត្តរមានជ័យ និងជាប្រធានគណៈកម្មាធិការមូលដ្ឋានសមាគមមិត្តនគរបាលជាតិកម្ពុជា នៃស្នងការដ្ឋាននគរបាលខេត្ត។ ដោយមានការអញ្ជេីញចូលរួមពី លោកនាយ នាយរង ការិយាល័យ នាយ នាយរងផ្នែក និងមន្ត្រីនៃការិយាល័យបុគ្គលិកជាច្រើនរូប ។
ក្នុងនោះមានមន្ត្រីនគរបាលចូលនិវត្តន៍ចំនួន ០៤នាក់ និងមន្ត្រីនគរបាលមរណ: ចំនួន ០៦នាក់ ថវិការសរុបចំនួន ១៥៥,៤៨៥,០០០ ៛ (មួយរយហាសិបប្រាំលានសែសិបប្រាំបីម៉ឺនប្រាំពាន់រៀលគត់) ។
ក្នុងពិធីជួបសំណេះសំណាល និងប្រគល់ថវិកាគោលនយោបាយនេះ លោកឧត្តមសេនីយ៍ទោ ស្នងការខេត្ត បានសម្តែងនូវក្តីនឹករលឹក ហើយបានរំលឹកពីស្នាដៃមន្ត្រីនគរបាលចូលនិវត្តន៍ និងមន្ត្រីនគរបាលមរណៈ ដែលបានបំពេញភារកិច្ចបម្រេីជាតិមាតុភូមិ និងប្រជាពលរដ្ឋកន្លងមក ព្រមទាំងបានបន្សល់នូវស្នាដៃជាច្រេីនដល់នគរបាលជំនាន់ក្រោយជាគំរូ និងបានពាំនាំនូវការផ្តាំផ្ញើសាកសួរសុខទុក្ខ និងចូលរួមរំលែកទុក្ខ ពីសំណាក់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសសមាគមមិត្តនគរបាលជាតិកម្ពុជា និងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានគណៈកម្មាធិការកណ្តាល សមាគមមិត្តនគរបាលជាតិកម្ពុជា ផងដែរ ៕
