នាយឧត្តមសេនីយ៍ គៀត ច័ន្ទថារិទ្ធ ទទួលស្វាគមន៍ កុងស៊ុលកិត្តិយស នៃកុងស៊ុលសាធារណរដ្ឋប៉ូឡូញ ប្រចាំនៅកម្ពុជា ចូលជួបសម្ដែងការគួរសម និងពិភាក្សាការងារ

ភ្នំពេញ៖ ឯកឧត្ដម នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ នាព្រឹកថ្ងៃពុធ ៨កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៩ ខែមីនា ឆ្នាំ២០២៣ បានទទួលស្វាគមន៍ លោក Sar SARIN កុងស៊ុលកិត្តិយស នៃកុងស៊ុលសាធារណរដ្ឋប៉ូឡូញ ប្រចាំព្រះរាជាណាចក្រកម្ពុជា និងប្រតិភូចូលជួបសម្ដែងការគួរសម និងពិភាក្សាការងារ នៅអគ្គនាយកដ្ឋានអន្តោប្រវេសន៍។

លោក SAR Sarin ក៏បានធ្វើការថ្លែងអំណរគុណ និងធ្វើការកោតសរសើចំពោះការសហការដែលអគ្គនាយកដ្ឋានអន្តោប្រវសន៍បានចូលរួមចំណែកកន្លងមក និងបានធ្វើការសំណូមពរក្នុងការបន្តកិច្ចសហការរវាងអង្គភាពទាំងពីរ។

ជាកិច្ចបញ្ចប់ ឯកឧត្តម នាយឧត្តមសេនីយ៍ អគ្គនាយក បានធ្វើការថ្លែងអំណរគុណចំពោះកិច្ចសហប្រតិបត្តិការកន្លងមក និងសង្ឃឹមថាអង្គភាពទាំងពីរបន្តកិច្ចសហប្រតិបត្តិការឱ្យកាន់តែប្រសើរឡើង ៕