ឧត្តមសេនីយ៍ទោ សិទ្ធិ ឡោះ ចាត់តំណាងយកថវិការបស់សមាគមមិត្តនគរបាលជាតិកម្ពុជា ប្រគល់ជូនក្រុមគ្រួសារសព អនុសេនីយ៍ឯក ហេង រ៉ាស៊ីន នាយរងផ្នែកការិយាល័យចរាចរណ៍ផ្លូវគោក
ភ្នំពេញ៖ លោកឧត្តមសេនីយ៍ត្រី វង្ស វិត ស្នងការរង ទទួលផែនការងារធនធានមនុស្ស តំណាងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងជាប្រធានគណៈកម្មាធិការមូលដ្ឋានសមាគមមិត្តនគរជាតិកម្ពុជា អមដំណើរដោយលោកវរសេនីយ៍ឯក ឱ បូរិន្ទ នាយការិយាល័យ បុគ្គលិក លោកវរសេនីយ៍ឯក គី មករា នាយការិយាល័យ នគរបាលចរាចរណ៍ផ្លូវគោក នៅថ្ងៃទី២៩ ខែមីនា ឆ្នាំ២០២៣ បាននាំយកថវិការបស់សមាគមមិត្តនគរបាលជាតិម្ពុជា ទៅប្រគល់ជូនក្រុមគ្រួសារសព លោកអនុសេនីយ៍ឯក ហេង រ៉ាស៊ីន អត្តលេខ ៨១២៤៨ឋានៈ នាយរងផ្នែកការិយាល័យចរាចរណ៍ផ្លូវគោក ដែលរៀបចំធ្វើបុណ្យនៅគេហដ្ឋាននៃសព ស្ថិតក្នុងភូមិប៉ោយស្នួល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។
នៅក្នុងពិធីដ៏ក្រៀមក្រំនោះ លោកឧត្តមសេនីយ៍ត្រី វង្ស វិត បានថ្លែងថា៖ក្នុងនាមតំណាងឲ្យលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត និងក្នុងនាមលោកផ្ទាល់ សូមចូលរួមនូមរណទុក្ខដ៏ក្រៀមក្រំជាមួយក្រុមគ្រួសារសព លោកអនុសេនីយ៍ឯក ហេង រ៉ាស៊ីន អត្តលេខ ៨១២៤៨ឋានៈ នាយរងផ្នែកការិយាល័យចរាចរណ៍ផ្លូវគោក ដែលទទួលមរណភាពដោយជំងឺគាំងបេះដូង ។
លោកឧត្តមសេនីយ៍ ស្នងការរង បានបន្តថា៖ការស្លាប់របស់លោកអនុសេនីយ៍ឯក ហេង រ៉ាស៊ីន គឺជាការបាត់បង់កូនប្រុសជាទីស្រឡាញ់ ដែលមានកត្តាញូតាធម៌ចំពោះមាតាបិតាកន្លងមក ។មួយវិញទៀត ស្នងការដ្ឋាននគរបាលខេត្តបន្ទាយមានជ័យ និយាយជារួមនិងនិយាយដោយឡែក ការិយាល័យនគរបាលចរាណ៍ផ្លូវគោក បានបាត់បង់ មន្ត្រីនគរបាល០១រូប ដែលមានស្នាដៃបំពេញភារកិច្ចបំរើជាតិនិងប្រជាជនបានល្អក្នុងគ្រាកន្លងមក ។
លោកឧត្តមសេនីយ៍ត្រី វង្ស វិត បានបញ្ជាក់ទៀតថា៖ថវិកាចំនួន៦លានរៀល ដែលយកមកប្រគល់ជូនពេលនេះ គឺជាថវិការបស់សមាគមមិត្តនគរបាលជាតិកម្ពុជា ដែលផ្តួចផ្តើមឡើងដោយឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ក្នុងគោលបំណង សម្រាប់ជួយគ្នាទៅវិញទៅមកដល់មន្ត្រីនគរបាលជាតិ ចាប់ពីថ្នាក់លើដល់ថ្នាក់ក្រោមមានទុក្ខធុរៈក្នុងគ្រួសារ ក្នុងនោះស្វាមីឬភរិយា មន្ត្រីនគរបាល ជាសមាជិក សមាគមមិត្តនគរបាលជាតិ មរណភាពចំនួន៦លានរៀល ស្វាមីឬភរិយារបស់សមាជិកមរណភាពចំនួន២លានរៀល ។មួយវិញទៀត ដើម្បីជាការចូលរួមក្នុងកម្មវិធីបុណ្យនេះកាន់តែសមរម្យ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត បានឧបត្ថម្ភថវិកាបានមកពីការចូលរួមរបស់កម្លាំងស្នងការដ្ឋាននគរបាលខេត្ត ៤.៤១៥.០០០រៀល (បួនលានបួនរយដប់ប្រាំពាន់រៀល)ផងដែរ ៕
