បិទកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការ ប្រចាំឆ្នាំ២០២២ របស់ស្នងការដ្ឋាននគរបាលខេត្តបន្ទាយមានជ័យ និងផ្សព្វផ្សាយទិសដៅការងាររបស់ក្រសួងមហាផៃ្ទ និងអគ្គស្នងការដ្ឋាននគរបាលជាតិឆ្នាំ២០២៣
ភ្នំពេញ៖ នៅរសៀល ថ្ងៃទី៣០ ខែមីនា ឆ្នាំ២០២៣ ស្នងការ ដ្ឋាន នគរបាល ខេត្តបន្ទាយមានជ័យ បានប្រារព្ធពិធីបិទកិច្ចប្រជុំ បូកសរុប សភាពការណ៍ និងលទ្ធផលកិច្ច ប្រតិបត្តិការ ប្រចាំ ឆ្នាំ ២០២២ របស់ ស្នងការដ្ឋាន នគរបាល ខេត្តបន្ទាយមានជ័យ និងផ្សព្វផ្សាយទិសដៅការងារ របស់ ក្រសួង មហាផ្ទៃ និង អគ្គស្នងការ ដ្ឋាន នគរបាល ជាតិ ឆ្នាំ២០២៣ ក្រោមអធិបតីភាព ឯកឧត្តម ឧត្ដមសេនីយ៍ ឯកជា ពៅ អគ្គ ស្នងការរង នគរបាល បាល ជាតិ តំណាង ដ៏ខ្ពង់ខ្ពស់ ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ។
កិច្ចប្រជុំ នេះ ក៏ មាន ការអញ្ជើញ ចូលរួម ពី សំណាក់ ឯកឧត្តម អ៊ុំ រាត្រី អភិបាល ខេត្តបន្ទាយមានជ័យ លោក ឧត្ដមសេនីយ៍ ទោ សិទ្ធិ ឡោះ ស្នងការ នគរបាល ខេខេត្ត លោក -លោកស្រី ស្នងការរង លោក -លោកស្រី នាយ ការិយាល័យ លោកអធិការ នគរបាល ក្រុង /ស្រុកទាំង៩ លោកមេបញ្ជាការវរសេនាតូចនគរបាលការពារព្រំដែនគោកទាំង៤ លោកនាយប៉ុស្តិ៍នគរបាលរដ្ឋបាលទាំង៦៧និងនាយប៉ុស្តិ៍ការពារព្រំដែនទាំង៣២ ។
ថ្លែងនាឱកាសនោះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និង ឯកឧត្តម ឧត្តមសេនីយ៍ឯក ជា ពៅ អគ្គស្នងការរង បានកោតសរសើរនិងវាយតម្លៃខ្ពស់ចំពោះលោកឧត្តមសេនីយ៍ស្នងការ និង ថ្នាក់ដឹកនាំគ្រប់ជាន់ថ្នាក់ នៃស្នងការដ្ឋាននគរបាលខេត្តបន្ទាយមានជ័យ ដែលបានខិតខំប្រឹងប្រែងយកអស់ពីកម្លាំងកាយចិត្ត ក្នុងការបំពេញការងារ តួនាទី ភារកិច្ច សម្រេចបានលទ្ធផលល្អក្នុងរយៈពេល០១ឆ្នាំកន្លងមកនេះ គួរជាទីមោទនៈ ពិសេសការងារជួយសង្រ្គោះប្រជាពលរដ្ឋរងគ្រោះដោយគ្រោះធម្មជាតិ ខ្សល់កន្ត្រាក់ ទឹកជំនន់ ។
ទន្ទឹមគ្នានោះ ឯកឧត្តមអគ្គស្នងការរង ក៏បានផ្តាំផ្ញើរដល់កម្លាំងនគរបាលទាំងអស់ត្រូវគោរពវីន័យ ,ពង្រឹងការទប់ស្កាត់ចំណាកស្រុក , ការបម្រើសេវាសាធារណ:, ការផ្តល់សេវាអត្តសញ្ញាណប័ណ្ណ, ការងារប្រចាំការ យាម ល្បាត ,ពង្រឹងការងារសន្តិសុខ សណ្តាប់ធ្នាប់ ជូនប្រជាពលរដ្ឋឲ្យបានល្អតាមមូលដ្ឋាន ពិសេសគឺត្រូវអនុវត្តន៍ និងបន្តផ្សព្វផ្សាយគោលនយោបាយភូមិ-ឃុំ-សង្កាត់ មានសុវត្ថិភាពឲ្យបានទូលំទូលាយដល់ប្រជាពលរដ្ឋ ដើម្បីរួមចំណែកកាត់បន្ថយបទល្មើសផ្សេងៗ ៕
