លោកជំទាវ ម៉ែន សំអន អញ្ជើញគោរពវិញ្ញាណក្ខន្ធ ឧបាសក ឌី បូ
ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញ គោរពវិញ្ញាណក្ខន្ធ ឧបាសក ឌី បូ នារសៀសថ្ងៃទី៣១ ខែមីនា ឆ្នាំ២០២៣ ។
លោកជំទាវកិត្តិសង្គហបណ្ឌិត មានសេចក្ដីតក់ស្លុត និងសោកស្តាយជាអនេកចំពោះដំណឹងមរណភាពរបស់ ឧបាសក ឌី បូ ដែលត្រូវជាឪពុកមារបស់សម្ដេចតេជោ បានទទួលមរណភាពកាលពីថៃ្ងព្រហស្បតិ៍ ៩កើត ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣០ ខែមីនា ឆ្នាំ២០២៣ វេលាម៉ោង ១១:៤៥នាទី ក្នុង ជន្មាយុ ១០២ឆ្នាំ ដោយជរាពាធ។
មរណភាពរបស់ខ្លបាសក ឌី បូ គឺជាការបាត់បង់នូវឪពុកមា ឪពុក ជីតា និងជីតាទួត ជាទីគោរព ស្រលាញ់បំផុតរបស់ក្មួយៗ កូនៗ ចៅៗ និងញាតិមិត្តទាំងអស់។
នៅក្នុងឱកាសនោះផងដែរ លោកជំទាវក៏បានចូលរួមរំលែកមរណៈទុក្ខ ជូនចំពោះសម្តេចអគ្គមហាសេនាបតីតេជោ និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារ ចំពោះមរណភាពរបស់ ឧបាសក ឌី បូ និងបានឧទ្ទិសបួងសួងដល់ដួងវិញ្ញាណក្ខន្ធរបស់ឧបាសក ឌី បូ បានទៅកាន់សុគតិភព កុំបីឃ្លៀងឃ្លាតឡើយ៕
