សម្តេច សាយ ឈុំ អញ្ជើញសម្ពោធដាក់ឱ្យប្រើប្រាស់ជាផ្លូវការ អាគារទីស្នាក់ការគណបក្សថ្មី នៃគណៈកម្មាធិការគណបក្សប្រជាជនកម្ពុជា ស្រុកភ្នំក្រវាញ

ភ្នំពេញ៖ នៅព្រឹកថ្ងៃសៅរ៍ ទី១ ខែមេសា ឆ្នាំ២០២៣នេះ សម្តេចវិបុលសេនាភក្តី សាយ ឈុំ អនុប្រធានគណបក្សប្រជាជនកម្ពុជា និងជាប្រធានគណៈប្រចាំការនៃគណៈអចិន្រ្តៃយ៍ គណៈកម្មាធិការកណ្តាល អញ្ជើញជាអធិបតី សម្ពោធដាក់ឱ្យប្រើប្រាស់ជាផ្លូវការ អាគារទីស្នាក់ការគណបក្សថ្មី នៃគណៈកម្មាធិការគណបក្សប្រជាជនកម្ពុជា ស្រុកភ្នំក្រវាញ ខេត្តពោធិសាត់ដោយមានការអញ្ជើញចូលរួមពីសំណាក់ឯកឧត្តមប្រធាន និងអនុប្រធានក្រុមការងារ និងគណៈកម្មាធិការគណបក្ស ខេត្ត ឯកឧត្តម លោកជំទាវ សមាជិករដ្ឋសភា និងព្រឹទ្ធសភា ផងដែរ។

សមិទ្ធផលជាផ្លែផ្កាទាំងឡាយដែលគណបក្សស្រុកភ្នំក្រវាញសម្រេចបាន មិនគ្រាន់តែជាជោគជ័យរបស់គណបក្សស្រុកភ្នំក្រវាញប៉ុណ្ណោះទេ គឺនូវបានរួមចំណែកដល់ជោគជ័យរបស់គណបក្សខេត្តពោធិសាត់ និងរួមចំណែកដល់ជ័យជម្នះរួមរបស់គណបក្សប្រជាជនកម្ពុជាយើងទាំងមូលផងដែរ៕