ឯកឧត្តម ជាម យៀប ដឹកនាំប្រជុំការត្រៀមរៀបចំ ផ្តល់គ្រឿងឥស្សរិយយស ជូនតំណាងរាស្រ្តនីតិកាលទី៦ នៃរដ្ឋសភា
ភ្នំពេញ៖ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា និងជាប្រធានគណៈកម្មាធិការឥស្សរិយយសរដ្ឋសភា នាព្រឹកថ្ងៃទី៣ ខែមេសា ឆ្នាំ២០២៣ បានអញ្ជើញដឹកនាំប្រជុំជាមួយ ឯកឧត្តម លោកជំទាវ លោក លោកស្រី ដែលជាអនុប្រធាន និង សមាជិក សមាជិកា គណៈកម្មាធិការឥស្សរិយយស ដើម្បីត្រៀមរៀបចំផ្តល់គ្រឿងឥស្សរិយយសជូនតំណាងរាស្រ្តនីតិកាលទី៦ នៃរដ្ឋសភា។
ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា កិច្ចប្រជុំនាពេលនេះគឺដើម្បីពិនិត្យកម្មវិធីដែលត្រូវបំពាក់គ្រឿងឥស្សរិយយសតាមឋានានុក្រមដល់សមាជិក សមាជិការដ្ឋសភាដែលទទួលគ្រឿងឥស្សរិយយសរួមមាន៖
-ជាតូបការ
-ព្រះរាជាណាចក្រកម្ពុជា ថ្នាក់ មហាសេរីវឌ្ឍន៍
-សម្តេចព្រះមហាក្សត្រីយានី ព្រះស៊ីសុវត្ថិ មុនីវង្ស កុសុមៈនារីរ័ត្ន ថ្នាក់ មហាសេរីវឌ្ឍន៍
-សុវត្ថារា ថ្នាក់ មហាសេរីវឌ្ឍន៍
-ព្រះរាជាណាចក្រកម្ពុជា ថ្នាក់ មហាសេនា
-សម្តេចព្រះមហាក្សត្រីយានី ព្រះស៊ីសុវត្ថិ មុនីវង្ស កុសុម:នារីរ័ត្ន ថ្នាក់ មហាសេនា
-មុនីសារាភ័ណ្ឌ ថ្នាក់ មហាសេនា
-ព្រះរាជាណាចក្រកម្ពុជា ថ្នាក់ ធិបឌិន្ទ
-ព្រះរាជាណាចក្រកម្ពុជា ថ្នាក់ ធិបឌិន្ទ
-មុនីសារាភ័ណ្ឌ ថ្នាក់ ធិបឌិន្ទ
-ព្រះរាជាណាចក្រកម្ពុជា ថ្នាក់ សេនា
ឯកឧត្តមកិត្តិសេដ្ឋាបណ្ឌិត ជាម យៀប បានបន្តថា ពិធីបំពាក់គ្រឿងឥស្សរិយយសគ្រោងធ្វើ នៅព្រឹកថ្ងៃទី៧ ខែមេសា ឆ្នាំ២០២៣ នៅវិមានរដ្ឋសភា ៕
