សាលាគុនកម្ពុមហាវេទនឹងបើកការប្រកួតប្រដាល់បុរាណខ្មែរលើកទី២ ក្នុងកម្រិតថ្នាលក្មេងៗ នៅថ្ងៃទី៦ខែមេសានេះ
ភ្នំពេញ៖ សាលាគុនកម្ពុមហាវេទនឹងរៀបចំការប្រកួតប្រដាល់បុរាណខ្មែរលើកទី២ ក្នុងកម្រិតថ្នាលក្មេងៗ នៅថ្ងៃទី៦ខែមេសានេះដើម្បីចូលរួមលើកម្ពស់ និងថែរក្សាគុនខ្មែរ ឱ្យបានគង់វង្ស។
កម្មវិធីនេះនឹងមានការចូលរួមជាអធិបតីពីសំណាក់ឯកឧត្តម ម៉ក់ សំអុលអគ្គលេខាធិការ សហភាព កីឡា នគរបាលជាតិកម្ពុជា និងភ្ញៀវកិត្តិយសជាច្រើននាក់ផងដែរ ខណ:ដែលកម្មវិធីនេះបើកឱ្យមហាជនចូលរួមទស្សនាដោយសេរី។
បើតាមការបញ្ជាក់ពីឯកឧត្តម ទេព វិរ:ទីប្រឹក្សាសម្តេចក្រឡាហោម ស ខេងឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានសាលាគុនកម្ពុមហាវេទ កម្មវិធីនេះនឹងចាប់ផ្តើម នៅថ្ងៃព្រហស្បតិ៍ ទី០៦ ខែមេសា ឆ្នាំ២០២៣ ចាប់ពីម៉ោង ១ ដល់ម៉ោង ៧ យប់ ។
វេលា ម៉ោង ១ ដល់ម៉ោង ៤ ពិធីជួបជុំ សំណេះសំណាល រវាងសិស្ស គ្រូមកពីក្លឹបផ្សេងៗ មិត្តភក្តិ បងប្អូន និងភ្ញៀវនានា ដោយ មានទទួលអាហារសម្រន់នំបញ្ចុកសម្លខ្មែរ។ ម៉ោង ៥ ដល់ម៉ោង ៧ ចាប់ផ្តើមកម្មវិធីប្រគួតមិត្តភាព ៥គួរ ជាលក្ខណៈថ្នាលក្មេងៗ និងយុវវ័យ
ម៉ោង ៧ ដល់ម៉ោង ៨ ពិសាអាហារសាមគ្គីរួមគ្នានិងចប់កម្មវិធី! ទីតាំងសាលា: ទល់មុខបុរីភ្នំមាសគម្រោងទី៩, ភូមិត្រពាំងទា, សង្កាត់ពងទឹក, ខណ្ឌដង្កោ ភ្នំពេញ។ #ទំនាក់ទំនង: 068 333332, 089 333332៕
