**ឧបនាយករដ្ឋមន្ត្រី ហ៊ុន ម៉ានី អញ្ជើញតំណាងសម្តេចធិបតីនាយករដ្ឋមន្ត្រី ក្នុងពិធីបញ្ចុះខណ្ឌសីមា និងសម្ពោធសមិទ្ធផលនានា ក្នុងវត្តអម្ពវ័ន ខេត្តត្បូងឃ្មុំ**ឯកឧត្តម ចាន់ សុធា ដឹកនាំកិច្ចប្រជុំលើកទី៣ របស់គណៈកម្មការគ្រប់គ្រងកម្មវិធី “ធ្វើឱ្យប្រសើឡើងដល់ការផ្តល់សេវាជូនប្រជាពលរដ្ឋនៅប្រទេសកម្ពុជា (ISD)”**ឯកឧត្ដម អ៊ុំ រាត្រី ដឹកនាំកិច្ចប្រជុំពិនិត្យ និងផ្តល់យោបល់លើសេចក្តីព្រាងក្របខ័ណ្ឌអភិវឌ្ឍន៍ និងកម្មវិធីអភិវឌ្ឍន៍មូលដ្ឋាន នៃផែនការអភិវឌ្ឍន៍រយៈពេលប្រាំឆ្នាំ (២០២៥-២០២៩) របស់រដ្ឋបាលខេត្តបន្ទាយមានជ័យ**នគរបាលខេត្តបន្ទាយមានជ័យ ត្រៀមកម្លាំងនគរបាលជាច្រើននាក់ ដើម្បីការពារសន្តិសុខ សណ្តាប់ធ្នាប់ សុវត្ថិភាព ជូនប្រជាពលរដ្ឋ ក្នុងឱកាសបុណ្យចូលឆ្នាំថ្មី**អគ្គស្នងការនគរបាលជាតិ ក្រើនរំលឹកដល់មន្ដ្រីនគរបាលចរាចរណ៍ និងមន្ដ្រីជាប់កិច្ចសន្យា នៅពេលអនុវត្តតួនាទីភារកិច្ច ត្រូវមានក្រមសីលធម៌ វិជ្ជាជីវៈ និងភ្លន់ជាមួយពលរដ្ឋ**អាមេរិកប្រគល់ឱសានវាទព្រែកជីកប៉ាណាម៉ាឲ្យចិន**អាមេរិកដំឡើងពន្ធលើការនាំចូលរបស់ចិនទាំងអស់ដល់កម្រិត ១០៤ភាគរយ**យ៉ាងហោចណាស់មនុស្ស ២៧នាក់បានស្លាប់បន្ទាប់ពីការដួលរលំដំបូលក្លឹបរាត្រីនៅសាធារណរដ្ឋ Dominican**WTO នឹងរៀបចំការពិគ្រោះយោបល់ក្រៅផ្លូវការស្តីពីផលប៉ះពាល់នៃភាពតានតឹងពាណិជ្ជកម្ម**ក្រុមហ៊ុន Kimou Environmental Holding Limited មានចំណាប់អារម្មណ៍ស្វែងរកឱកាសវិនិយោគនៅកម្ពុជា**អគ្គកុងស៊ុលវៀតណាមប្រចាំខេត្តបាត់ដំបង អញ្ជើញជូនពរឆ្នាំថ្មីប្រពៃណីជាតិខ្មែរដល់ថ្នាក់ដឹកនាំយោធភូមិភាគទី៥**ក្មេងទំនើងជិត១០០នាក់ ត្រូវសមត្ថកិច្ចបង្ក្រាបបញ្ជូនទៅឆ្លងឆ្នាំក្នុងពន្ធនាគារ**នាយករដ្ឋមន្ដ្រី ណែនាំខេត្តភាគឦសានទាំង៤ ត្រូវយកចិត្តទុកដាក់លើបញ្ហាសន្តិសុខ និងទប់ស្កាត់បទល្មើសបច្ចេកវិទ្យា**រដ្ឋមន្ត្រីមហាផ្ទៃកម្ពុជា អបអរសាទរ លោក រឿង ក្វាង បាក់ ទទួលការតែងតាំងជាប្រធានស្ថានតំណាងក្រសួងនគរបាលវៀតណាម ប្រចាំកម្ពុជា**សម្តេចធិបតី កោតសរសើរ និងវាយតម្លៃខ្ពស់ចំពោះភាគីពាក់ព័ន្ធដែលសហការគ្នាយ៉ាងសស្រាក់សស្រាំជាមួយស្មារតីបុរេសកម្ម និង ការទទួលខុសត្រូវខ្ពស់ ក្នុងដំណើរការនៃការរៀបចំកម្មវិធីពិសេសនេះ**សម្តេចធិបតី រំលេចលក្ខណៈពិសេសសំខាន់ៗចំនួន៥ សម្រាប់កម្មវិធីពិសេសនៅភូមិភាគឦសាន**យុទ្ធសាស្ត្រអភិវឌ្ឍន៍សម្របសម្រួលក្នុងតំបន់៖គន្លឹះសម្រាប់បើកច្រកទ្វារឆ្ពោះទៅវិបុលភាពរួមនិងទំនើបកម្ម —–**បទវិភាគ៖គោលនយោបាយដំឡើងពន្ធគយរបស់សហរដ្ឋអាមេរិកបានបំផ្លាញផលប្រយោជន៍ទាំងអ្នកដទៃផងនិងខ្លួនឯងផងដែរ ចុងក្រោយគង់តែចំណេញដាច់ចំណងជាក់ជាមិនខាន**ឯកឧត្តម សួស ប្រាថ្នា អញ្ជើញដឹកនាំកិច្ចប្រជុំពិភាក្សាអំពីកិច្ចសហប្រតិបត្តិការរវាងអគ្គនាយកដ្ឋានរដ្ឋបាលក្រសួងមហាផ្ទៃ និងក្រុមហ៊ុន KESS Innovation PLC**សម្តេចធិបតី៖ កម្មវិធីលើកទឹកចិត្តសម្រាប់ការវិនិយោគនៅក្នុងខេត្តភាគឦសាន មិនមែនធ្វើសម្រាប់តែអ្នកវិនិយោគបរទេសនោះទេ

មន្ត្រីជាន់ខ្ពស់ក្រសួងពាណិជ្ជកម្ម បើកវគ្គបណ្តុះបណ្តាលយេនឌ័រ និងផ្សព្វផ្សាយផែនការសកម្មភាពយេនឌ័រ របស់គម្រោងជំរុញទីផ្សារ សម្រាប់កសិកម្មខ្នាតតូចឆ្នាំ២០២៣

ភ្នំពេញ៖ នាលោកជំទាវ តឹករ៉េក កំរង រដ្ឋលេខាធិការក្រសួងពាណិជ្ជកម្ម ថ្ងៃទី៤ ខែមេសា ឆ្នាំ២០២៣ បានអញ្ជើញជាអធិបតីដ៏ខ្ពង់ខ្ពស់ ក្នុងពិធីបើកវគ្គបណ្តុះបណ្តាលយេនឌ័រ និងការផ្សព្វផ្សាយផែនការសកម្មភាពយេនឌ័ររបស់គម្រោងជំរុញទីផ្សារសម្រាប់កសិកម្មខ្នាតតូចឆ្នាំ២០២៣ ដែលបានរៀបចំនៅសណ្ឋាគារកាំបូឌីយ៉ាណា និងមានការអញ្ជើញចូលរួមពី លោកជំទាវ គង់ សិទ្ធិកា អនុរដ្ឋលេខាធិការក្រសួងពាណិជ្ជកម្ម និងជានាយករងគម្រោងជំរុញទីផ្សារសម្រាប់កសិកម្មខ្នាតតូច (អេមស៍) មន្ត្រីអនុវត្តគម្រោងអេមស៍នៃការិយាល័យគ្រប់គ្រងគម្រោង មន្ត្រីបង្គោលនៃមន្ទីរពាណិជ្ជកម្មខេត្តទាំង១៨ ព្រមទាំងទីប្រឹក្សាគម្រោងអេមស៍ សរុបចំនួន ៦០នាក់។

ជាកិច្ចចាប់ផ្តើម លោកជំទាវ គង់ សិទ្ធិកា អនុរដ្ឋលេខាធិការក្រសួងពាណិជ្ជកម្ម និងជានាយករងគម្រោងជំរុញទីផ្សារសម្រាប់កសិកម្មខ្នាតតូច បានមានប្រសាសន៍ថា គោលដៅអភិវឌ្ឍន៍របស់គម្រោងអេមស៍ គឺដើម្បីបង្កើនប្រាក់ចំណូល និងលើកស្ទួយវិបុលភាពលើខ្សែច្រវាក់តម្លៃផលិតផលកសិកម្មសម្រាប់​កសិករ​ខ្នាតតូច រួមទាំងកសិករក្រីក្រ ស្រ្តី និងយុវជនតាមរយៈការ តភា្ជប់ផលចំ​ណេញ និងការផ្សារភ្ជាប់ទីផ្សារ​ជូនពួកគាត់ឱ្យបានកាន់តែទូលំទូលាយដោយកៀរគរកសិករខ្នាតតូចរួមមានកសិករក្រីក្រ ចំនួន ៧៥.០០០គ្រួសារ។

ដើម្បីសម្រេចគោលដៅរបស់គម្រោងអេមស៍ពាក់ព័ន្ធនឹងសមភាពយេនឌ័រ គម្រោងអេមស៍បានរៀបចំផែនការសកម្មភាពយេនឌ័រសម្រាប់ឆ្នាំ២០២៣ ដែលមានគោលដៅ៖១)យ៉ាងហោចណាស់ ៥០% នៃ កសិករគោលដៅគឺជាស្ត្រី ដែលអាចទទួលបានសេវាកម្មគាំទ្រដោយគម្រោង ២) យ៉ាងហោចណាស់ ៥០% នៃសមាជិក PO គឺជាស្ត្រី និង៥០%នៃសមាជិកគ្រួសាររបស់ក្រុមផលិតគឺជាស្រ្តី ៣)បន្តជំរុញការយល់ដឹងអំពីយេនឌ័រ និងការពង្រឹងអំណាច សេដ្ឋកិច្ចរបស់ស្ត្រី ៤)បន្តផ្តល់ឱកាស និងអត្ថប្រយោជន៍ដោយតម្លាភាព និងសមធម៌។

លោកជំទាវបានផ្តល់អនុសាសន៍ណែនាំឱ្យមានការអនុវត្តឱ្យបានខ្ជាប់ខ្ជួននូវវិធីសាស្រ្តជាយុទ្ធសាស្រ្តនៃផែនការសកម្មភាពយេនឌ័រ រួមមានការពង្រឹងការចូលរួមរបស់ស្រ្តី តុល្យភាពតួនាទីយេនឌ័រ ការរលើកឡើងពីបញ្ហាយេនឌ័រក្នុងវេទិកា ឬសកម្មភាពនានារបស់គម្រោង ការត្រួតពិនិត្យជាប្រព័ន្ធលើគណនេយ្យភាពរបស់បុគ្គលិក និងការបញ្ជ្រាបយេនឌ័រក្នុងវគ្គបណ្តុះបណ្តាលអាជីវកម្ម និងវគ្គបណ្តុះបណ្តាលបច្ចេកទេសនវានុវត្តន៍នានា ពិសេសការផ្តល់ហេដ្ឋារចនាសម្ព័ន្ធសាធារណៈ និងមូលនិធិនានា ដែលអាចជំរុញ និងគាំទ្រដល់ការចូលរួមរបស់ស្រ្តីក្នុងផលិតកម្ម។

ជាកិច្ចបន្ទាប់ លោកជំទាវ តឹករ៉េក កំរង រដ្ឋលេខាធិការក្រសួងពាណិជ្ជកម្ម បានធ្វើការថ្លែងនូវការកោតសរសើរ និងវាយតម្លៃខ្ពស់ចំពោះក្រុមការងារគម្រោង ដែលបានខិតខំប្រឹងប្រែងយ៉ាងសកម្ម និងមានស្មារតីម្ចាស់ការ បុរេសកម្ម អន្តរសកម្ម និងស្វ័យភាព ក្នុងការបង្កើនសមភាពយេនឌ័រនៅក្នុងសហគមន៍។

លោកជំទាវរដ្ឋលេខាធិការក្រសួងពាណិជ្ជកម្មមានប្រសាសន៍ថា រាជរដ្ឋាភិបាលកម្ពុជាបានចាត់ទុកស្រ្តីជាកម្លាំងចលករដ៏សំខាន់សម្រាប់ជំរុញសេដ្ឋកិច្ច ហើយបានសង្កេតឃើញស្ត្រីបានចូលរួមអភិវឌ្ឍសេដ្ឋកិច្ចគ្រប់វិស័យនៅពេលនេះ ចាប់ពីកម្រិតគ្រួសារ នៅកន្លែងធ្វើការ និងសហគមន៍ទាំងមូល។

លោកជំទាវរដ្ឋលេខាធិការក្រសួងពាណិជ្ជកម្មបានបង្ហាញពីភាពជឿជាក់ដល់ក្រុមការងាររបស់គម្រោងអេមស៍ ក្នុងការបញ្ជ្រាបយេនឌ័រ ក្នុងសកម្មភាពគម្រោងឱ្យបានគ្រប់ជ្រុងជ្រោយ ដែលមានគោលដៅរួមគឺការកាត់បន្ថយគម្លាតវិសមភាពយេនឌ័រប្រកបដោយបរិយាបន្ន។

លោកជំទាវបានបន្តថាការរៀបចំយន្តការជាយុទ្ធសាស្រ្តជាក់លាក់ ដើម្បីបង្កើនអ្នកដឹកនាំជាស្រ្តី ការកែប្រែឥរិយាបថដែលរើសអើងលើស្ត្រី និងការផ្តល់ការគាំទ្រគ្រប់រូបភាពដល់ស្រ្តីនឹងចូលរួមសម្រេចបានគោលដៅនៃផែនការសកម្មភាពយេនឌ័រឆ្នាំ២០២៣ ពិសេសអនុវត្តនូវយុទ្ធសាស្ត្រចតុកោណដំណាក់កាលទី៤ ផែនការយុទ្ធសាស្ត្រអភិវឌ្ឍជាតិ និងផែនការយុទ្ធសាស្ត្រនារីរតនៈទី៥។

ជាកិច្ចបញ្ចប់ លោកជំទាវរដ្ឋលេខាធិការក្រសួងពាណិជ្ជកម្មក៏បានផ្ដល់អនុសាសន៍មួយចំនួនដូចខាងក្រោម៖

− បង្កើតយន្តការអន្តរាគមន៍ និងការគាំទ្រនានា ដើម្បីអនុញ្ញាតឱ្យស្រ្តីចូលរួមក្នុងផលិតកម្ម និងធ្វើអាជីវកម្ម ឱ្យបានកាន់តែសកម្ម ជាអាទិ៍១)ផ្តោតការយកចិត្តទុកដាក់យ៉ាងខ្លាំងលើការបញ្ចេញមតិយោបល់របស់ស្រ្តីលើផលិតកម្ម និងការធ្វើអាជីវកម្ម២)ផ្តល់បច្ចេកទេសនវានុវត្តន៍ដល់ស្រ្តីដើម្បីកាត់បន្ថយការប្រើប្រាស់កម្លាំងពលកម្មនៅក្នុងផលិតកម្មហួសកម្លាំង ៣)ជំរុញ លើកទឹកចិត្ត និងបង្កើនភាពអង់អាចដល់ស្រ្តីក្នុងការស្នើសុំមូលនិធិគាំទ្រ និងការស្នើសុំឥណទានសម្រាប់បង្កើនវិសាលភាពផលិតកម្ម ដែលជាគោលដៅចុងក្រោយ ក្នុងការបង្កើនជីវភាពរស់នៅរបស់ពួកគេផ្ទាល់− បង្កើនជំនាញរបស់ស្រ្តីទៅជាកសិ-ពាណិជ្ជករ ដែលពួកគេអាចយល់ដឹងពី ១)ផលិតកម្មបែបទំនើបកម្ម ២)ការយល់ដឹងពីសមភាពយេនឌ័រ ផ្នែកសង្គម សេដ្ឋកិច្ច និងផ្លូវចិត្ត ៣)ការយល់ដឹងបន្ថែមពីចំណេះដឹងអាជីវកម្ម ពិសេសផ្នែកអក្ខរកម្មឌីជីថលសម្រាប់ទទួលបានព័ត៌មានទីផ្សារជាដើម សំដៅអភិវឌ្ឍសមត្ថភាពរបស់ស្រ្តី ឱ្យស្របតាមនិនា្នការសកល និងបម្រែប្រមួលលំនាំធ្វើពាណិជ្ជកម្ម និងស្វ័យប្រវត្តិកម្ម
− លើកទឹកចិត្តតួអង្គពាក់ព័ន្ធទាំងអស់ កំណត់ទិសដៅសកម្មភាពជាយុទ្ធសាស្រ្ត ដើម្បីចាប់ផ្តើមជាគ្រឹះដែលនឹងធានាឱ្យមានជោគជ័យលើការអនវុត្តបញ្ជ្រាបសកម្មភាពយេនឌ័ររបស់គម្រោង
− បន្តអភិវឌ្ឍនិងផ្តល់សិទ្ធិអំណាចដល់ស្រ្តី ដែលមានសារៈសំខាន់សម្រាប់ការលូតលាស់ និងការអភិវឌ្ឍដែលមាននិរន្តរភាពយ៉ាងពិតប្រាកដ និងមិនបោះបង់ចោលនរណាម្នាក់
− គោរព និងការពារស្វ័យភាពរបស់ស្ត្រី ក្នុងនាមជាមនុស្ស ហើយផ្តល់ឱកាសនិងយកចិត្តទុកដាក់មិនឱ្យគេមើលរំលងការចូលរួមនិងពលកម្មរបស់ស្ត្រីនោះទេ៕

អត្ថបទដែលជាប់ទាក់ទង