នគរបាលស្រុករតនមណ្ឌល បង្រ្កាបការដាំកញ្ឆាខុសច្បាប់បានជាង១ពាន់ដើម
ភំ្នពេញ៖ កាលពីថ្ងៃទី៥ ខែមេសា ឆ្នាំ២០២៣ វេលាម៉ោង១៣ និង០០នាទី កម្លាំងផ្នែកប្រឆាំងគ្រឿងញៀន និងកម្លាំងផ្នែកព្រហ្មទណ្ឌ សហការជាមួយកម្លាំងប៉ុស្តិ៍នគរបាលរដ្ឋបាលត្រែង នៃអធិការដ្ឋាននគរបាលស្រុករតនមណ្ឌល បានចុះបង្រ្កាបបានករណីដាំដុះរុក្ខជាតិញៀនខុសច្បាប់ (កញ្ឆា) ស្ថិតត្រង់ចំណុចភូមិបួររុន ឃុំត្រែង ស្រុករតនមណ្ឌល ខេត្តបាត់ដំបង។
ក្នុងកិច្ចប្រតិបត្តិការនេះ សមត្ថកិច្ចបានចាប់ឃាត់ខ្លួនជនសង្ស័យម្នាក់ជាអ្នកយាមចម្ការឈ្មោះ ឯម សីហា ភេទប្រុស អាយុ២៥ឆ្នាំ រស់នៅភូមិបួររុន ឃុំត្រែង ស្រុករតនមណ្ឌល ខេត្តបាត់ដំបង។
វត្ថុតាងដកហូតបានរួមមាន៖ ដើមកញ្ឆាស្រស់ចំនួន ១២០០ដើម។
បច្ចុប្បន្នកម្លាំងនគរបាលស្រុករតនមណ្ឌលបានធ្វើកិច្ចសន្យាបញ្ឈប់ការដាំដុះរុក្ខជាតិញៀន និងធ្វើការអប់រំរួចឲ្យត្រឡប់ទៅសហគមន៍វិញ ចំពោះម្ចាស់ចម្ការដែលជាអ្នកដាំដុះរុក្ខជាតិញៀនខុសច្បាប់ សមត្ថកិច្ចកំពុងស្រាវជ្រាវ ដើម្បីយកមកចាត់វិធានតាមនីតិវិធីច្បាប់៕
