ជិះម៉ូតូឌុបគ្នា ទៅស្រុកធ្វើបុណ្យបង្សុកូល ជូនលោកអ្នកមានគុណ ចៃដន្យជួបគ្រោះថ្នាក់ចរាចរណ៍ ស្លាប់ប្ដី ខណៈប្រពន្ធរបួស
ភ្នំពេញ៖ ជិះម៉ូតូឌុបគ្នា ទៅធ្វើបុណ្យបង្សុកូលពីរនាក់ប្ដីប្រពន្ធ ជូនលោកអ្នកមានគុណ នៅភូមិស្រែជា ឃុំចំប៉ី ស្រុកអង្គរជ័យ ខេត្តកំពត តែអកុសលមិនទាន់ដល់គោលដៅផង ត្រូវបានម៉ូតូបើកបរពីទិសខាងត្បូងមកជើងបុកស្លាប់ប្ដី ពេលបញ្ជូនមកដល់មន្ទីរពេទ្យបង្អែកខេត្តតាកែវ ចំណែកប្រពន្ធរងរបួសស្រាល នៅចំណុចផ្លូវជាតិលេខ៣ ភូមិអង្គត្នោត ឃុំអង្គតាសោម ស្រុកត្រាំកក់ ខេត្តតាកែវ វេលាម៉ោង៦.១២នាទី ព្រឹកថ្ងៃទី១០ ខែមេសា ឆ្នាំ២០២៣ ម៉ូតូបង្ករហេតុ ត្រូវបានឃាត់ខ្លួននៅនឹងកន្លែងកើតហេតុតែម្ដង។
ជនរងគ្រោះឈ្មោះ មង ម៉ាន់ អាយុ៦៨ឆ្នាំ ប្រពន្ធឈ្មោះ ណី សុខន អាស័យដ្ឋាន ភូមិទំនប់ សង្កាត់រកាក្រៅ ក្រុងដូនកែវ ៕
