ឧត្តមសេនីយ៍ទោ ឈឿន ប៊ុនឆន ចុះត្រួតពិនិត្យ និងផ្ដល់ការណែនាំដល់នគរបាលស្រុកបាភ្នំ ពាក់ព័ន្ធនឹងការងារប្រចាំថ្ងៃ និងការងារចុះបង្ក្រាបបទល្មើសនានា
ភ្នំពេញ៖ លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង នាព្រឹកថ្ងៃពុធ ១៤រោច ខែចេត្រ ឆ្នាំថោះ បញ្ចស័ក ព.ស ២៥៦៦ ត្រូវនឹងថ្ងៃទី១៩ ខែមេសា ឆ្នាំ២០២៣ បានអញ្ជើញចុះត្រួតពិនិត្យការងារ សួរសុខទុក្ខ និងផ្តល់ការណែនាំមួយចំនួនពាក់ព័ន្ធនឹងការងារប្រចាំថ្ងៃ និងការងារចុះបង្ក្រាបបទល្មើសនានា ដល់លោកអធិការ អធិការរង និងមន្ត្រីនគរបាល នៃអធិការដ្ឋាននគរបាលស្រុកបាភ្នំ។
នាឱកាសនោះដែរ លោកឧត្តមសេនីយ៍ទោ ស្នងការ បានផ្ដោតទៅលើការពង្រឹងសមត្ថភាពមន្ត្រីនគរបាល ពង្រឹងវិន័យកងកម្លាំងនគរបាល និងបានធ្វើការណែនាំមួយចំនួនពាក់ព័ន្ធនឹងការងារប្រចាំថ្ងៃ និងការងារចុះបង្ក្រាបបទល្មើសនានា។
ជាមួយគ្នានោះ លោកឧត្តមសេនីយ៍ទោ ឈឿន ប៊ុនឆន ក៏បានជំរុញ ក៏ដូចជាលើកទឹកចិត្តឱ្យកម្លាំងនគរបាលស្រុកបាភ្នំ ត្រូវខិតខំបង្រ្កាបល្បែងស៊ីសង គ្រឿងញៀន និងក្មេងទំនើង ឱ្យអស់ពីមូលដ្ឋានរបស់ខ្លួន ប្រកបដោយជំនាញ និងវិជ្ជាជីវៈជានគរបាល ៕
