ព្រះអគ្គិជ័យកីឡា និងភ្លើងគប់កីឡា ស៊ីហ្គេម-អាស៊ានប៉ារ៉ាហ្គេម ធ្វើដំណើរដល់មីយ៉ាន់ម៉ាហើយ

ភ្នំពេញ៖ ប្រតិភូដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ធ្វើដំណើរដល់ទីក្រុងយ៉ាំងហ្គូន ប្រទេសមីយ៉ាន់ម៉ា ដោយសុវត្ថិភាពហើយ នៅព្រឹកថ្ងៃទី១៩ ខែមេសា ឆ្នាំ២០២៣ ក្រោមការដឹកនាំរបស់បេសកជនពិសេស CAMSOC ឯកឧត្តម ហោ សារុន រដ្ឋលេខាធិការក្រសួងទេសចរណ៍ និងមានការអញ្ជើញទទួលស្វាគមន៍ពីឯកឧត្តម ជុំ អង្គវិចិត្រ ឯកអគ្គរាជទូតកម្ពុជាប្រចាំប្រទេសមីយ៉ាន់ម៉ា ព្រមទាំងឯកឧត្តម U Htay Aung អភិបាលខេត្តយ៉ាងហ្គូន និងជាប្រធានគណៈកម្មាធិការអប់រំកាយ និងកីឡាភូមិភាគយ៉ាំងហ្គូនផងដែរ មុនពិធីដង្ហែនាថ្ងៃទី២១ ខែមេសា ខាងមុខនេះ នៅទីក្រុងយ៉ាំងហ្គូន ៕