សន្និបាតគណៈកម្មាធិការគណបក្សខេត្តកំពង់ស្ពឺ បានផ្ដោតសំខាន់ទៅលើការប្ដេជ្ញាចិត្តជាយុទ្ធសាស្រ្តរបស់បក្ស គឺរក្សាប្រៀបឈ្នះ និងបង្កើនប្រៀបឈ្នះ លើការបោះឆ្នោតជ្រើសតាំងតំណាងរាស្រ្ត នីតិកាលទី៧
ភ្នំពេញ៖ ឯកឧត្តមកិត្តិសេដ្ឋាបណ្ឌិត ឆាយ ថន ប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ នាព្រឹកថ្ងៃទី២១ ខែមេសា ឆ្នាំ២០២៣ បានអញ្ជើញជាអធិបតីក្នុងសន្និបាតគណៈកម្មាធិការគណបក្សខេត្តកំពង់ស្ពឺ ដោយមានការអញ្ជើញចូលរួមពីឯកឧត្តម ហ៊ុន ម៉ានី អនុប្រធានទី១ ក្រុមការងារគណបក្សចុះមូលដ្ឋានខេត្ត ឯកឧត្តម វ៉ី សំណាង ប្រធានគណៈកម្មាធិការគណបក្សខេត្ត ឯកឧត្តម លោកជំទាវ អនុប្រធានក្រុមការងារគណបក្សចុះមូលដ្ឋានខេត្ត ឯកឧត្តមអនុប្រធានគណៈកម្មាធិការគណបក្សខេត្ត និងសមាជិកគណៈអចិន្រ្តៃយ៍គណៈកម្មាធិការគណបក្សខេត្ត ឯកឧត្តម លោកជំទាវ ប្រធាន អនុប្រធានសមាជិក សមាជិកា នៃក្រុមការងារគណបក្សចុះមូលដ្ឋានក្រុង ស្រុក ឃុំ សង្កាត់ សរុបចំនួនប្រមាណ ៣០០នាក់។
អង្គសន្និបាតទាំងមូល បានផ្ដោតសំខាន់ទៅលើការប្ដេជ្ញាចិត្តជាយុទ្ធសាស្រ្តរបស់បក្ស គឺរក្សាប្រៀបឈ្នះ និងបង្កើនប្រៀបឈ្នះ លើការបោះឆ្នោតជ្រើសតាំងតំណាងរាស្រ្ត នីតិកាលទី៧ នៃរដ្ឋសភា។
ក្នុងនោះអង្គសន្និបាត បានបង្ហាញសមាសភាពបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា មណ្ឌលកំពង់ស្ពឺ រួមមាន៖
-បេក្ខជនពេញសិទ្ធ ចំនួន៦ រូប
១. ឯកឧត្តម ឆាយ ថន
២. ឯកឧត្តម ហ៊ុន ម៉ានី
៣. ឯកឧត្តម សត្យា វុធ
៤. ឯកឧត្តម សេង ញ៉ក់
៥. លោកជំទាវ ខេង សំវ៉ាដា
៦. ឯកឧត្តម សុខ ប៊ន
-បេក្ខជនបម្រុង ចំនួន៦រូប
១. ឯកឧត្តម អ៊ូ សំអួន
២. ឯកឧត្តម តុង សេង
៣. ឯកឧត្តម សំ រិទ្ធី
៤. ឯកឧត្តម ជួន វន
៥. ឯកឧត្តម ប៊ិន សារ៉េត
៦. ឯកឧត្តម អ៊ិន ឃុន ៕
