គណបក្សប្រជាជនកម្ពុជាខេត្តកោះកុង បើកសន្និបាតបូកសរុបសភាពការណ៍ទូទៅ និងលទ្ធផលការងារគណបក្ស របស់គណៈកម្មាធិការគណបក្សប្រជាជនកម្ពុជាខេត្ត
ភ្នំពេញ៖ គណបក្សប្រជាជនកម្ពុជាខេត្តកោះកុង នាព្រឹកថ្ងៃទី២៩ ខែមេសា ឆ្នាំ២០២៣ បានបើកសន្និបាតបូកសរុបសភាពការណ៍ទូទៅ និងលទ្ធផលការងារគណបក្សប្រចាំឆ្នាំ២០២២ និងទិសដៅភារកិច្ចឆ្នាំ២០២៣ របស់គណៈកម្មាធិការគណបក្សប្រជាជនកម្ពុជាខេត្ត និងពិធីបង្ហាញបេក្ខជនឈរឈ្មោះបោះឆ្នោតជ្រើសរើសតំណាងរាស្រ្ត នីតិកាលទី៧ មណ្ឌលខេត្តកោះកុង ក្រោមអធិបតីភាព ឯកឧត្តម អាយ ខន អនុប្រធានទី១ ក្រុមការងារគណបក្សថ្នាក់កណ្តាលចុះមូលដ្ឋានខេត្តកោះកុង តំណាងដ៏ខ្ពង់ខ្ពស់សម្តេចពិជ័យសេនា ទៀ បាញ់ អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សថ្នាក់កណ្តាលចុះមូលដ្ឋានខេត្តកោះកុង។ ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី ក្រុមការងារគណបក្សចុះមូលដ្ឋានខេត្ត ក្រុង ស្រុក សរុបប្រមាណ ២៥៩នាក់ នៅសាលប្រជុំទីស្នាក់ការគណបក្សប្រជាជនកម្ពុជាខេត្ត ៕
