រដ្ឋបាលខេត្តកំពង់ធំ រៀបចំពិធីបួងសួងសុំសេចក្តីសុខសេចក្តីចម្រើន រៀបចំពិធីដង្ហែរព្រះអគ្គិជ័យកីឡា និងព្រះរាជពិធីបុណ្យច្រត់ព្រះនង្គ័ល នាពេលខាងមុខនេះ

ភ្នំពេញ៖ ឯកឧត្តម ងួន រតនៈ អភិបាលខេត្តកំពង់ធំ និងសហការី នាព្រឹកថ្ងៃទី០២ ខែមេសា ឆ្នាំ២០២៣ បានអញ្ជើញចូលរួមក្នុងពិធីបួងសួងលោកតាអី (ជាប់ផ្ទះមុខងារ) និងលោកតាក្រហម ក ក្នុងគោលបំណងដើម្បីបួងសួងសុំសេចក្ដីសុខ សេចក្តីចម្រើន ដល់លោកតាម្ចាស់ទឹក ម្ចាស់ដី ថែរក្សាគ្រប់ទិសទី ក្នុងពិធីទទួលដង្ហែព្រះអគ្គិជ័យកីឡាសម្រាប់ព្រឹត្តិការណ៍នៃការប្រកួតកីឡា អាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ នៅថ្ងៃទី០៤-០៥ ខែឧសភា ខាងមុខនេះ និងព្រះរាជពិធីបុណ្យច្រត់ព្រះនង្គ័ល នៅថ្ងៃទី០៨ ខែឧសភា ឆ្នាំ២០២៣ ដែលនៅសល់រយៈពេល០៦ថ្ងៃទៀតតែប៉ុណ្ណោះ។

គួបញ្ជាក់ផងដែរថា រដ្ឋបាលខេត្តកំពង់ធំនឹងរៀបចំព្រះរាជ​ពិធីបុណ្យ​ច្ច្រត់ព្រះនង្គ័ល ក្រោមព្រះរាជ​ធិ​ប​តី​ភាព​ដ៏​ខ្ពង់ខ្ពស់​បំផុត​ ​ព្រះករុណា​ ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ​នៃ​ ​ព្រះរាជាណាចក្រកម្ពុជា​ ​ជាទី​ស​ក្ការៈ​ដ៏​ខ្ពង់ខ្ពស់​បំផុត​ ​នៅ​ថ្ងៃ​ ​៤​រោច​ ​ខែ​ពិសាខ​ ​ត្រូវនឹង​ថ្ងៃ​ទី​០​៨​ ​ខែ​ឧសភា​ ​ឆ្នាំ​២​០​២​៣​ ​ខាងមុខនេះ ស្ថិតនៅភូមិរូង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ៕