លោកជំទាវ ឡោក ខេង លេីកឡើងពីសារ:សំខាន់នៃសេចក្តីសុខដុមរមនាក្នុងសង្គមនៅពេលមានសន្តិភាព
ភ្នំពេញ៖ លោកជំទាវ ឡោក ខេង តំណាងរាស្ត្រមណ្ឌលរាជធានីភ្នំពេញ និងជាប្រធានគណៈកម្មការទី៨ នៃរដ្ឋសភា នារសៀលថ្ងៃទី៤ ខែឧសភា ឆ្នាំ២០២៣ បានអញ្ជើញជួបសំណេះសំណាលជាមួយប្រជាពលរដ្ឋចំនួន ៦៨នាក់ រស់នៅក្នុងភូមិទាំង៦ នៃសង្កាត់ច្បារអំពៅទី២ នៅសាលប្រជុំសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។
ក្នុងពិធីសំណេះសំណាល លោកជំទាវ ឡោក ខេង បានមានប្រសាសន៍លេីកឡើងពីសារ:សំខាន់នៃសេចក្តីសុខដុមរមនាក្នុងសង្គមនៅពេលមានសន្តិភាព ដូចជា៖
-ពិធីបុណ្យចូលឆ្នាំប្រពៃណីខ្មែរប្រជាជនទាំងអស់មានការសប្បាយរីករាយគ្រប់ទិសទី និងធ្វើឲ្យកម្ពុជាទទួលបានការបំបែកឯកត្តកម្មពិភពលោក
-ការត្រៀមបេីកកីឡាសុីហ្គេមនាថ្ងៃស្អែកសូមអោយបងប្អូនរង់ចាំមេីលតាមការផ្សាយផ្ទាល់ តេីខ្មែរធ្វេីបានកំរិតណា និងអស្ចារ្យប៉ុណ្ណា។
ឆ្លៀតក្នុងឱកាសនេះដែរ លោកជំទាវ ឡោក ខេង បានមានប្រសាសន៍សួរនាំពីការបេីកសាច់ប្រាក់ឧបត្ថម្ភប្រចាំខែ បញ្ហាជីវភាពរស់នៅ និងលិខិតស្នាមនានាមានដូចជាអត្តសញ្ញាណប័ណ្ណជាដើម។
បន្ទាប់មក លោកជំទាវ ឡោក ខេង ក៏បានផ្តល់ជូនក្រមា រួមទាំងថវិកាឧបត្ថម្ភរបស់ សម្ដេចវិបុលសេនាភក្តី សាយ ឈុំ ប្រធានព្រឹទ្ធសភា និងឯកឧត្តមនីតិកោសលបណ្ឌិត ស៊ឹម កា អនុប្រធានទី១ ព្រឹទ្ធសភា ក្នុងម្នាក់ៗ ១ម៉ឺនរៀល ផងដែរ ៕
