អាវភ្លៀងអំណោយដ៏ថ្លៃថ្លា របស់សម្ដេចតេជោ សម្ដេចកិតិ្តព្រឹទ្ធបណ្ឌិត និងរបបយោធបរិក្ខា ត្រូវបានចែកជូនយោធិនគ្រប់រូប
ភ្នំពេញ៖ នៅថ្ងៃទី១៧ ខែឧសភា ឆ្នាំ២០២៣ លោកវរសេនីយ៍ទោ ស វិបុល មេបញ្ជាការ វរសេនាតូចស៊ើបការណ៍ បានអញ្ជើញចែកអាវភ្លៀង របបយោធបរិក្ខា ឆមាស១ ឆ្នាំ២០២៣ ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ចែកជូនដល់យោធិនក្នុងអង្គភាព សម្រាប់ប្រើប្រាស់ក្នុងរដូវភ្លៀងធ្លាក់។
ក្នុងឱកាសនោះដែរ លោកមេបញ្ជាការ តំណាងឱ្យនាយទាហាន នាយទាហានរង និងពលទាហានទូទាំងវរសេនាតូចស៊ើបការណ៍ សូមគោរពថ្លែងអំណរគុណដ៏ជ្រាលជ្រៅជាទីបំផុតចំពោះ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជាអគ្គភស្តុភារជាន់ខ្ពស់ នៃកងកម្លាំងប្រដាប់អាវុធ ដែលជានិច្ចកាលសម្ដេចទាំងទ្វេតែងតែយកចិត្តទុកដាក់គិតគូរពីសុខទុក្ខ និងជីវភាពរស់នៅរបស់កងកម្លាំងប្រដាប់អាវុធ ពិសេសក្នុងរដូវរងាសម្ដេចបានផ្ដល់អាវរងា រដូវភ្លៀងសម្ដេចបានផ្ដល់អាវភ្លៀង ដល់យោធិន និងក្រុមគ្រួសារយោធិនដើម្បីប្រើប្រាស់ជារៀងរាល់ឆ្នាំផងដែរ៕
